संसदीय दलको नेतामा चयन हुनुभएका नेपाल कम्युनिस्ट पार्टी (नेकपा)का अध्यक्ष पुष्पकमल दाहाल प्रचण्डले संसद विघटन अवैधानिक भएकाले पुनर्स्थापित गरेर नयाँ सरकार बनाउने बताउनुभएको छ ।
वानेश्वरमा जारी प्रचण्ड-माधव समूहका सांसदहरुको बैठकमा उहाँले अरु संसदीय दलका नेताहरूसँग पनि छलफल गरेर नयाँ परिस्थिति निर्माणमा रहेको र संसद पुनर्स्थापित गरेर नयाँ सरकार बनाउने प्रतिवद्धता जनाउनु भयो ।
बैठकमा अध्यक्ष प्रचण्डले ७० प्रतिशतको उपस्थितिमा केन्द्रीय समिति बैठक बसेपछि आफूहरु नै वैधानिक र ठूलो दल भएको समेत स्पष्ट पार्दै भन्नुभयो, ‘संसदीय दलमा पनि १ सय १५ अहिले नै सहभागी हुनुहुन्छ र अरु केही सांसदहरुले हस्ताक्षर गर्ने वचन दिनुभएको छ त्यसकारण संसदीय दलमा पनि हामी नै वैधानिक छौँ ।’
संसद विघटन असंवैधानिक र अलोकतान्त्रिक भन्दै उहाँले भन्नुभयो यसको पछाडि ठूलै षड्यन्त्र छ, देशी विदेशी शक्तिको चलखेल खुल्दै जाला, अहिले विश्वले नेपालको यो घटनालाई चासोका साथ पनि हेरिरहेका छन् ।
प्रतिक्रिया राख्नुहोस्