सत्तारुढ नेपाल कम्युनिष्ट पार्टी (नेकपा) विभाजित भएपछि एक समुहले अर्को समुहलाई पार्टी फुटाएको र आफू नै आधिकारिक पार्टी रहेको धारणा सार्वजनिक गरिरहेका बेला प्रचण्ड—नेपाल समूहका नेता योगेशकुमार भट्टराईले प्रधानमन्त्री केपी शर्मा ओली सच्चिएर आए अहिले पनि पार्टी एक हुने बताउनुभएको छ ।
सोमबार नेपालगञ्जमा प्रेस सङ्गठन नेपालले आयोजना गरेको पत्रकार भेटघाट कार्यक्रममा भट्टराइले आफ्नो समूह अहिले पनि पार्टी एकताकै पक्षमा रहेको बताउँदै सो धारणा राख्नुभएको हो ।
पूर्व मन्त्री समेत रहनु भएका सो समूहका स्थायी कमिटी सदस्य भट्टराईले संविधानमा कहीँकतै प्रधानमन्त्रीले संसद् विघटन गर्न सक्ने व्यवस्था नभएको विचार व्यक्त गर्नुभयो ।
निर्वाचन अहिले मुलुकका लागि आवश्यक नभएको तर्क राख्दै पूर्वमन्त्री भट्टराईले प्रतिनिधिसभा विघटनको निर्णय सच्चिनेमा आफूहरु विश्वस्त रहेको बताउनुभयो ।
प्रतिक्रिया राख्नुहोस्