नेपाल कम्युनिष्ट पार्टी (एमाले) का अध्यक्ष केपी शर्मा ओलीले कोशी प्रदेशको नामाङ्कनका विषयलाई लिएर अनावश्यक विवाद नगर्न सबै समक्ष आग्रह गर्नुभएको छ ।
![kp oli](https://www.nepaljapan.com/wp-content/uploads/2023/03/kp-oli-e1679706448614.jpg)
बिर्तामोडमा नेकपा (एमाले) झापाले शुक्रबार आयोजना गरेको मिसन ग्रासरुट अभियानको उद्घाटन गर्नुहुँदै पूर्वप्रधानमन्त्रीसमेत रहनुभएका ओलीले कोशी प्रदेशको नामाकरणमा विवाद गर्नुपर्ने कुनै आधार नै नरहेको स्पष्ट पार्नुभयो ।
“प्रदेशको नामाङ्कन ठीक ढङ्गले भएको छ”, उहाँले भन्नुभयो, “मानिसको उत्पत्तिभन्दा कोशीको उत्पत्ति पहिले भएको हो त्यसमा कसैले आपत्ति जनाउनुहुँदैन ।” वातावरण, नदी प्रकृतिभन्दा पहिले अर्को सभ्यता नभएको भन्दै उहाँले भन्नुभयो, “कोशी प्रदेश उपयुक्त छ । अब नामका विषयमा आन्दोलन, जुलुस गर्नु बेकार छ ।”
प्रतिक्रिया राख्नुहोस्