कोरोना संक्रमणका कारण जारी लकडाउनमा दैनिक गुजारा चलाउन समस्या भैरहेका काभ्रेको भुलु गाउँमा वाग्मती प्रदेश सदस्य लक्ष्मण लम्सालको पहलमा एकता मञ्च जापानका अध्यक्ष हवलचन्द्र लामाको पहलमा खाद्यान्न वितरण गरिएको छ ।
भुम्लु गाउँपालिकाको वडा नं. ६ कोलातीका विपन्न परिवारलाई १३ सय ५० केजी चामल, दाल, नुन, चिनी, तेल वितरण गरिएको हो । त्यस्तै सोही गाउँपालिकाको वडा नं. १ सापिङ्ग भट्टेटार माझी समुदायमा प्रदेश सदस्य लम्सालको पहलमै ८० परिवारलाई राहत वितरण गरेको छ ।
कुल २४६० केजी चामलमा २६ बोरा लाइन क्लब अफ काठमाडौं सुकुन्दले गरेको छ भने ५६ बोरा चामल समाजसेवी लेखनाथ श्रेष्ठले व्यक्तिगत सहयोग गर्नुभएको छ । भुम्लु गाउँपालिका वडा नं १ सापिङ्ले २ केजी दाल, चिनी, नुन, तेल, चियापती राहत कार्यबिधी अनुरुप स्थानीय प्रशासनसंग समन्वय गरेर वितरण गरेको छ ।
राहत वितरणपछि वडा अध्यक्ष खिरबहादुर श्रेष्ठले भट्टेटार माझी गाउँमा सबैजसो घर परिवारको खेतिपाती एकदम कम हुने र दैनिकी ज्यालामा काम गर्न अहिलेको अवस्थामा नहुने भएको हुँदा दैनिकीमा सारै अफ्ठयारो परि भोकै रहनु पर्ने अवस्था देखा परेकोले राहत वितरण गरिएको बताउनु भयो ।
राहत बितरण कार्यक्रममा भुम्लु गाउपालिकाका उपाध्यक्ष कल्पना श्रेष्ठ, कानुन सल्लाकार प्राणनाथ नेउपानेको पनि सह्भागी थियो ।
