जल/वातावरण

कालीमाटीमा कार्यरत दुई प्रहरीमा कोरोना संक्रमण पुष्टि

काठमाडौंमा कारोना संक्रमणको जोखिम बढ्दै गएको छ । पछिल्लोपटक कालीमाटी क्षेत्रमा कार्यरत दुई प्रहरीमा कोरोना भाइरसको संक्रमण पुष्टि भएपछि जोखिम बढेको हो ।

समाचार अनुसार महानगरीय प्रहरी वृत्त कालीमाटीमा कार्यरत दुई प्रहरीमा कोरोनाको संक्रमण पुष्टि भएको छ । महानगरीय प्रहरी परिसरका एसएसपी श्याम ज्ञवालीले दिएको जानकारी अनुसार र्‍यापिड टेस्टमा पोजेटिभ पाइएपछि गरिएको पिसिआर टेस्टले उनीहरूमा संक्रमण भएको पुष्टि भएको हो ।

दुई प्रहरीमा के कसरी संक्रमण हुन पुग्‍यो भन्ने बारेमा थाहा हुन नसकेको ज्ञवालीले बताउनुभएको छ । संक्रमित बस्ने व्यारेकमा रहेका सबैको बुधबारबाटै पिसिआर थालिने समाचारमा जनाइएको छ ।

समाचार सूत्रका अनुसार कालिमाटीमा कार्यरत एक जना सई र जवानलाई कोरोनाको संक्रमण पोजेटिभ देखिएको हो । मंगलबार मात्रै सुनसरीमा खटिएका एक जना सशस्त्र प्रहरी र धनकुटा जिल्ला अस्पतालमा खटिएका एक जना प्रहरीमा संक्रमण देखिएको थियो ।

सम्बन्धित खबर

Back to top button