शेरबहादुर देउवालाई प्रधानमन्त्री नियुक्त गरी संसद पुनःस्थापना गरेवापत मन्त्रिमण्डलमा भाग खोजेको आरोप खेपिरहनुभएका प्रधानन्यायाधीश चोलेन्द्र शम्शेर जबराले संवैधनिक इजलाशको फैसलामा संलग्न सबै न्यायाधीशले राजीनामा दिए आफूले पनि दिने बताउनुभएको छ ।
आफूलाई मार्गप्रशस्त गर्न आग्रह गरेका न्यायाधीशहरूलाई कडा जवाफ फर्काउँदै उहाँले प्रश्न उठेका सबै न्यायाधीशले राजीनामा दिने भए आफू मार्ग प्रशस्त गर्न तयार रहेको बताउनुभएको समाचार छ ।
आफूलाई मार्ग प्रशस्त गर्न आग्रह गर्दै भेट्न पुगेका १३ न्यायाधीशहरुलाई जवाफ दिंदै प्रधानन्यायाधीश राणाले अरु न्यायाधीशहरूमाथि पनि प्रश्न उठेका छ । प्रश्न उठेका सबैले राजीनामा दिउँ, म पनि मार्ग प्रशस्त गर्छु । होइन भने मिडियाबाट उठेका विषयकै आधारमा राजीनामा दिँदै जाने हो भने न्यायापालिका बच्न नसक्ने बताउनुभएको छ ।
संवैधानिक प्रधान न्यायाधीश राणासहित न्यायाधीशहरु दीपककुमार कार्की, मिरा खड्का, ईश्वरप्रसाद खतिवडा र आनन्दमोहन भट्टराईको संवैधानिक इजलाशले घण्टा तोकेर शेरबहादुर देउवालाई प्रधानमन्त्री बनाउन परमादेश जारी गरेको थियो ।
प्रतिक्रिया राख्नुहोस्