जापानमा एकीकृत नेपाली घरः बहु साँस्कृतिक केन्द्र निर्माणका लागि आर्थिक स्रोत जुटाउने उद्देश्यले आयोजना भैरहेको ‘टोकियो सप्ताह’को चौथो दिन नोभेम्बर ११ मंगलबारसम्म सवा चार करोड येनभन्दा बढी रकम संकलन भएको छ ।
गैरआवासीय संघ राष्ट्रिय समन्वय परिषद (एनआरएनए) जापानको आयोजना र जापानमा रहेका विभिन्न सामाजिक संघ संस्थाहरुसँगको सहकार्यमा ८ नोभेम्बरदेखि टोकियोमा आयोजना भैरहेको छ ।
सप्ताहको दोस्रो दिन २ करोड ९४ लाख ७ हजार ८ सय ३० येन संकलन भएको थियो भने सप्ताह सुरु भएको तेस्रो दिन ५५ लाख, १९ हजार १ सय ७१ येन संकलनन भएको थियो ।
त्यसै गरी चौथो दिन हिजो मंगलबार ७९ लाख ४९ हजार ८ सय ८८ येन संकलन भएको एनआरएनए जापानले जनाएको हो ।
हरेक दिनको कथावाचन समापन भएपछि प्रेस विज्ञप्तिमार्फत संकलन भएको रकमको जानकारी दिंदैआएको आयोजक एनआरएनए जापानले सम्पूर्ण सहयोगी, समर्थक तथा सहभागी भक्तजनहरूमा आभार व्यक्त गर्दैआएको छ ।
यही नोभेम्बर १५ सम्म आयोजना हुने श्रीमद्भागवत ज्ञान महायज्ञ टोकियो सप्ताह २०२५ मा वाचन पण्डित दिनबन्धु पोखरेल र बौद्धगुरु टुल्कु सोनाम गर्वाङ रिम्पोछेले प्रवचन दिइरहनुभएको छ ।
प्रतिक्रिया राख्नुहोस्