निवर्तमान प्रहरी महानिरीक्षक दानबहादुर कार्कीले प्रहरी महानिरीक्षक (आईजीपी) मा पुनर्बहालीको माग गर्दै सर्वोच्च अदालतमा पेस गरेको रिट निवेदन दर्ता भएको छ ।
आईजीपी कार्कीले पुनर्बहालीको माग राखेर कार्कीले बिहीबार रिट पेस गर्नुभएको थियो । उहाँले रिटमा आफूलाई गैरकानुनीरुपमा प्रहरी महानिरीक्षकबाट हटाएको उल्लेख गर्नुभएको छ ।
सर्वोच्चमा रिट दर्ता भए पनि सुनुवाइका लागि पेसी भने तोकिएको छैन । गत कात्तिक १८ को मन्त्रिपरिषद्को बैठकले कार्कीलाई आईजीपीबाट हटाएर प्रधानमन्त्रीको सुरक्षा सल्लाहकारको जिम्मेवारी दिएको थियो । त्यस्तै सरकारले नयाँ आईजीपीमा डा. मनोजकुमार केसीलाई नियुक्त गरेको थियो ।
प्रतिक्रिया राख्नुहोस्