राजनीति

संविधानको व्याख्या गर्ने थलो सडक हैन सर्वोच्च अदालत मात्रै हो

संसद विघटनपछि प्रधानमन्त्रीलाई विघटनको अधिकार नभएको भन्दै पुनःस्थापना हुनुपर्ने एकथरि र बहुमतप्राप्त प्रधानमन्त्रीले विघटन गर्न पाउँछन् भन्ने अर्कोथरिको धारणाकाबीच यस विषयमा सर्वोच्च अदालतमा बहस पनि चलिरहेको छ । केही समययता अदालतलाई नै प्रभावित पार्ने गरी टिप्पणी हुन थालेका छन् ।

यसबीचमा नेपाली कांग्रेसका केन्द्रीय सदस्य डा चन्द्र भण्डारीले संविधानको अन्तिम व्याख्या गर्ने अधिकार सर्वोच्च अदालतलाई मात्रै रहेको बताउनुभएको छ ।

सर्वोच्च अदालतमा रहेको विचाराधीन मुद्दामाथि सडकबाट फैसला गर्न नहुने भन्दै उहाँले संसद् पुनःस्थापना हुने/नहुने विषयमा सर्वोच्च अदालतले गरेको निर्णयलाई नै सबैले आत्मसाथ गर्नुपर्ने बताउनुभयो । उहाँले भन्नुभयो, “सर्वोच्चले जे व्याख्या गर्छ, त्यसलाई सबैले स्वीकार गर्नुपर्छ ।”

रिपोर्टर्स क्लब नेपाल लुम्बिनी प्रदेशले बुटवलमा आयोजना गरेको साक्षात्कारमा कार्यक्रममा नेता भण्डारीले सर्वोच्चमा विचाराधीन रहेको विषयमा पूर्वप्रधानन्याधीशले बोल्नु पनि गलत भएको टिप्पणी गर्नुभयो । विधिको शासन र व्यवस्थाप्रति विश्वास गर्नेले नै संसद् विघटनका बारेमा सर्वोच्चमा विचाराधीन अवस्थामा रहेका विषयमा बोल्नु गलत भएको उहाँको भनाइ छ ।

सम्बन्धित खबर

Back to top button