राजनीति

चीनबाट विद्यार्थी नेपाल ल्याउनुभन्दा उतै उपचार गरेर निको पार्न सुझाव


सरकारले कोरोना भाइरसले संक्रमित भएको चीनको वुहानबाट ल्याइने नेपाली विद्यार्थीहरुलाई उपत्यकाका चार ठाउँमा राख्ने बताउँदै आएका बेला नेपाल मजदुर किसान पार्टीका अध्यक्ष नारायणमान विजुक्छेले चीनबाट उद्दार गरिने नेपालीलाई काठमाडौं उपत्यकामा राख्न नहुने बरु चीनमा उपचार गरेर निको पार्नुपर्ने सुझाव दिनुभएको छ । उहाँले चीनमा कोरोना भाइरस फैलनुमा अमेरिकाको हात रहेको हुनसक्ने आशंका समेत व्यक्त गर्नुभएको छ ।
आइतबार नेपाल क्रान्तिकारी किसान संघ भक्तपुर जिल्ला समितिको सातौं जिल्ला सम्मेलनलाई सम्बोधन गर्दै उहाँले काठमाडौंमा राखे महामारी फैलिने सम्भावना बढ्ने भएकाले उपचार गराएर निको पार्नुपर्ने सुझाव दिंद भन्नुभयो, काठमाडौं उपत्यकाका चार ठाउँ र भक्तपुरको दुई ठाउँमा राख्ने भनेका छन् । काठमाडौंमा राख्नु हुन्न, महामारी फैलिने सम्भावना हुन्छ, बरु ती विद्यार्थीलाई उतै चीनमै उपचार गराएर निको पार्नुपर्छ’ ।
अध्यक्ष विजुक्छेले कोरोना भाइरस लागेका संक्रमितको उपचारका लागि नेपाल सरकारसँग राम्रो तयारी नभएको बताउँदै चीनले सो भाइरसको संक्रमणलाई प्रतिरोध गर्न तीब्र गतिमा काम गरिरहेकाले विद्यार्थीलाई नेपाल फर्काउनु वुद्धिमानी नहुने समेत उल्लेख गर्नुभयो ।
अध्यक्ष विजुक्छेले अमेरिकाले विभिन्न देशसँग आफूले विविन्न तरिकाले जित्न नसकेपछि विभिन्न भाइरस र रोग फैलाउँदै विश्व राजनीति गर्दै आएको स्मरण गराउँदै यसको पछाडि पनि अमेरिकाको हात रहेको हुनसक्ने आशंका गर्नुभएको हो ।



सम्बन्धित खबर

Back to top button