विश्व कीर्तिमानको नजिक सन्दीप, आँसु झार्दै भने देशको गौरब बढाउन पाउँदा भावुक छु

विश्वका अधिकांश टी २० लिग खेलेर खारिएका नेपाली राष्ट्रिय क्रिकेट टोलीका पूर्व कप्तान सन्दीप लामिछानेको जीवनमा आएको उतारचढावलाई बिर्सदै मैदानमा फर्केयता उत्कृष्ट प्रदर्शन गर्न सफल रहेका छन् ।

आईसीसी विश्वकप लिग २ का ९ खेल खेल्दा सन्दीपको बलिङ जस्तै चाहिएको बेला ब्याटिङमा समेत उत्त्कष्ट प्रदर्शन गर्दैआएका छन् ।

सोमबार कीर्तिपुरस्थित क्रिकेट मैदानमा पपुवा न्यूगिनीबिरुद्ध ९ विकेटको विशाल जित दर्ता गर्ने क्रममा सन्दीप एक्लैले ५ विकेट लिंदै ९५ रनमा समेट्न सफल भए ।

खेलमा ५ विकेट लिएर प्लेयर अफ द म्याचको पुरस्कार पाएपछि सन्दीपले आँसु झार्दै आफ्नो देशका लागि जित निकाल्द योगदान गर्न सकेकोमा गौरवान्वित भएको प्रतिक्रिया दिएका छन् ।

सन्दीप विश्व कीर्तिमानको नजिक पनि पुगेका छन् । एकदिवसीयमा सबैभन्दा छिटो १०० विकेट लिने होडमा रहेका सन्दीपले ४० खेलबाट ९८ विकेट लिइसकेका छन् ।

छिटो १०० विकेटको कीर्तिमान अफगानिस्तानका रशिख खानको नाममा छ । उनले ४४ खेल खेल्दै १०० विकेट लिएका छन् ।

लिग २ मा नेपालले एक खेल खेल्न बाँकी रहेको र सो खेलमा सन्दीपले कम्तिमा २ विकेट लिएर विश्व कीर्तिमान कायम गर्ने सम्भावना उच्च रहेको छ ।