जिल्ला समन्वय समिति महासंघको चौथो राष्ट्रिय परिषद बैठकबाट निर्वाचित गण्डकीको शपथ ग्रहण कार्यक्रम आइतबार सम्पन्न भएको छ।
गण्डकी प्रदेश समितिका अध्यक्ष लिलाधर पौडेलले निर्बाचित पदाधिकारी र सदस्यहरूलाइ शपथ गराउनुभएको थियो । कार्यक्रममा अध्यक्ष पौडेलले गण्डकी प्रदेशका जिल्ला समन्वय समितिहरू सक्रियताका साथ संविधानले तोकेको अधिकार प्रयोग गर्दै गुणस्तरीय परिणाम निस्कने गरि काममा उत्रन आग्रह गर्नुभयो ।
विकासका काममा हुनसक्ने लापरबाही र ढिलासुस्ती बिकाराल देखिएको भन्दै सबै तहका सरकारहरूको समन्वयमा खडा भएको जिल्ला समन्वय समिती विशेष चनाखो हुनुपर्ने उहाँको भनाइ थियो ।
कार्यक्रममा जि स स महासंघका केन्द्रिय सदस्य बाबुराम बिक, कास्कीका जिल्ला समन्वय अधिकारी नवराज बराल लगायतले शुभकामना मन्तव्य व्यक्त गरेका थिए।
अध्यक्ष लिलाधर पौडेलको अध्यक्षतामा सम्पन्न कार्यक्रममा स्वागत उपाध्यक्ष सोम बहादुर जिसी र संचालन सचिव सरस्वती बगालेले गर्नुभएको थियो ।
शपथ ग्रहण लगत्तै सो समितिको पहिलो बैठक समेत बसेको थियो । उक्त बैठकले जि ।स ।स। महासंघको चौथो राष्ट्रिय परिषद बैठक गण्डकी प्रदेशको पोखरामा आयोजना गर्ने केन्द्रिय समिती लगायत सहयोगी सम्पूर्णमा हार्दिक आभार प्रकट गरेको छ।
त्यस्तै बैठकले जिल्ला समन्वय समितिका पदाधिकारी तथा सदस्यहरूको क्षमता तथा दक्षता वृद्धि गर्न गण्डकी प्रदेश प्रशिक्षण प्रतिष्ठान सङ्गको सहकार्यमा फागुन ७ गते विशेष प्रशिक्षण कार्यक्रम संचालन गर्ने निर्णय भएको छ ।
यसै गरी बैठकले जिल्ला समन्वय समितीहरूलाइ कार्य सम्पादनका लागि प्रदेश सरकारले निर्माण गर्नुपर्ने कानुनहरूको सम्बन्धमा प्रदेश सरकारको ध्यानाकर्षण गराउने निर्णय भएको उपसचिव खड्गराज सुबेदीले जानकारी दिनुभयो ।
प्रतिक्रिया राख्नुहोस्