काठमाडौंका युवाहरुमा मात्र होइन देशभर नै नयाँ जोश, आशा र भरोसाा दिलाउन सफल भएका काठमाडौं महानगरपालिकाका मेयर बालेन साह आजभोलि नेताहरुप्रति अत्यन्त रुष्ट र आक्रामक हुन थालेका छन् ।
आफ्नो अभियानमा सिंहदरबारले साथ नदिएको, अवैध गतिविधिलाई संरक्षण गरेको आरोप लगाउँदै बालेनले सिंहदरबार, राष्ट्रपति निवासको फोहर समेत नउठाएर टक्कर लिएका थिए ।
सर्वोच्च अदालतको आदेशपछि फोहर उठाउने निर्णय गर्दै अदालतको सम्मान महानगरले गर्छ तर, दशकौं अघि सरकारलाई दिएको आदेश सिंहदरबारले मान्नुपर्छ कि पर्दैन । सिंहदरबाले अदालतको सम्मान गरेको छ कि छैन ? महानगरले मात्र सम्मान गर्नुपर्ने हो भन्दै प्रश्न उठाए ।
बालेनले आजदेखि सिंहदरबारको फोहर महानगरले उठाउँदैन र मुलुक सफा गर्ने हो भने सिंहदरबारमा बस्नेहरुलाई नै सिसडोलमा डम्प गर्नुपर्छ भनेर सामाजिक सञ्जालबाट आक्रोश पोखे ।
संघीय सरकारमा बसेका र ठूला भनिएका दलका नेताहरुप्रति लगातार आक्रामक अभिव्यक्ति दिइरहेका बालेनले मंगलबार राति झनै कडा अभिव्यक्ति दिंदै कुनै पनि नेतालाई देशको माया नभएको बताए ।
मंगलबार राति ९ बजेर ४१ मिनेटको समयमा बालेनले आफ्नो फेसबुकमा लेखिदिए- “नयाँ, पुरानो सबै नेताहरु चोर हुन्, कसैलाई देशको माया छैन ।”
प्रतिक्रिया राख्नुहोस्