बेलायतमा रहेका नेपालीहरूको जेठो साहित्यिक संस्था नेपाली साहित्य विकास परिषद् यूके स्थापनाको २५ वर्ष पूरा गरेको अवसरमा भर्चुअल रुपमा रजत वार्षिकोत्सव मनाउने भएको छ । बेलायतका लागि नेपाली राजदूत तथाा वरिष्ठ साहित्यकार डा. दुर्गाबहादुर सुवेदीबाट उद्घाटन गरिने रजत उत्सव समारोह जुलाई महिनाको १२ र १३ दुई दिनसम्म मनाइने भएको छ ।
कोरोना महामारीले सृजना गरेको अनपेक्षित परिस्थितिमा स्थलगत समारोह गर्न सम्भव नभएकोले प्रविधिको प्रयोग गरेर भर्चुअल कार्यक्रम गरिन लागेको परिषदको सचिवालयद्वारा जारी विज्ञप्तिमा जनाइएको छ ।
समारोहमा साहित्य बिचार गोष्ठी, कवि गोष्ठी, संवोधन, पुरस्कार सम्मान घोषणा, परिषदको नियमित वार्षिक साहित्यिक पत्रिका लालीगुराँसको विशेष रजत स्मारिका र परिषद्का सल्लाहकार कवि तथा गीतकार घनबहादुर थापा मगरको मौलिक कृति फूलको मुस्कान गीतसङ्ग्रहको विमोचन र गीतसङ्गीत प्रस्तुति आदि कार्यक्रमहरू रहेका छन् ।
अनलाइन प्रविधि जूममा गरिने रजत वार्षिकोत्सव कार्यक्रममा नेपालबाट पनि विशिष्ट साहित्यकारहरूको सहभागिता रहने छ भने बेलायत बाहिरका बिभिन्न देशहरूबाट कवि साहित्यकारहरूको सहभागिता प्रतिनिधि र प्रवेक्षकका रूपमा रहने छन् ।
त्यसै गरी समारोहमा रचना कविता वाचन गर्न चाहाने सर्जकहरूले आगामी ५ जुलाई २०२० भित्र परिषद्को सम्पर्क Email : komal.malla1@ gmail.com वा komal malla messnege id मा वाचन गर्ने कविताको एक प्रति पठाइ नाम दर्ता गराउनु पर्नेछ ।
चना वाचनमा सहभागी कवि कवयित्रीहरूलाई सहभागिता प्रमाणपत्र प्रदान गरिने र वाचित कविताहरू परिषद्को साहित्यिक पत्रिका लालीगुराँसको आगामी अङ्कमा प्रकाशित गरिने व्यहोरा समेत विज्ञप्तिमा जनाइएको छ ।
सन् १९९५ (विसं २०५१) १३ जुलाईमा लण्डनमा स्थापना गरिएको नेपाली सहित्य विकास परिषद् यूकेले आगामी १३ जुलाईका दिन २५ वर्ष पुरा गर्दैछ र सन् २०१४ (विसं २०७४)बाट परिषद्ले नेपालमा पनि शाखा खोलेर कार्यक्रमहरू नियमितरूपमा गर्दै आइरहेको छ ।
प्रतिक्रिया राख्नुहोस्