अमेरिकाको आर्थिक राजधानी न्यूयोर्क सिटीको मेयरमा ३४ वर्षीय भारतीय मूलका मुस्लिम युवा जोहरान ममदानी विजयी भएपछि अमेरिकामा मात्र होइन विश्व राजनीतिमा नयाँ तरंग ल्याएको छ ।

ममरानीको विजय यस्तो समयमा भयो, जतिबेला विश्वभर जेनजी आन्दोलन मच्चिइरहेको छ भने अमेरिकामा ट्रम्प प्रशासनको शैलीप्रति जनता सडकमा उत्रिरहेका छन् ।

प्रसिद्ध चलचित्र निर्देशक मिरा नायरका छोरा ममदानी पेशाले र्यापर हुन्, नौ महिनाअघि एकल रुपमा अभियान छेडेर अप्रत्यासित रुपमा विजयी हुनु ट्रम्प प्रशासनको आप्रवासी नीतिबिरुद्ध अमेरिकी जनता रहेको सन्देश पनि दिख्एको छ ।

ममदानी मेयरमा निर्वाचित भएपछि बुधबार सांसद एलेक्जान्द्रिया ओकासियो–कोर्टेजसंग ज्याक्सन हाइट्सस्थित ‘लालिगुराँस बिस्ट्रो’ नामक नेपाली रेष्टुरेन्टमा ‘लञ्च’ का लागि पुग्नुभयो ।

ममदानीले मःमः लगायतका नेपाली परिकार खाएर बैठक गरेको तस्वीर आफ्नो एक्स अकाउन्टमा साझा गर्नुभएको छ । अर्कोतिर ममदानीको विजयसंगै क्वीन्सका विभिन्न क्षेत्रमा आइसको गतिविधि बढेको भन्दै नेपाली समुदायमा त्रास फैलिएको छ ।

सामाजिक सञ्जालका विभिन्न च्यानलहरुमा नेपालीमाझ त्यस्ता सन्देशहरु प्रवाह भइरहेका छन् । आइस आफैले भने क्वीन्समा गतिविधि बढाएकोबारे कुनै सार्वजनिक पुष्टि गरेको छैन ।

ज्याक्सनहाइटको डाइभर्सिटी प्लाजा क्षेत्रमा आइस अधिकारीहरु देखिएको बताइए पनि त्यहाँ व्यवसाय गरिरहेका एक नेपालीले भने आफू विहानैदेखि उक्त क्षेत्रमा भए पनि आइसको गतिविधि नदेखेको बताएका छन् ।

हालै न्युयोर्क सिटीको चाइनाटाउनमा भएको आइसको कारवाहीपछि यो त्रास र आशंका अझै बढेको छ । जसले सामाजिक सञ्जालमा चिन्ताका सन्देशहरू देखिएका हुन् । न्युयोर्कका एकजना नेपाली व्यवसायीले पनि आइसको गतिविधि बढ्नसक्नेबारे चिन्ता व्यक्त गरेका छन् ।

अमेरिकाको अध्यागमन अदालतबाट देश निकालाको आदेश पाएकामध्ये झण्डै ४० प्रतिशत नेपालीहरु न्युयोर्कका बासिन्दाहरु रहेका छन् ।

राष्ट्रिय राजनीतिको तनाव, मामदानीको नीति र नेपाली डायस्पोराको स्थानीय अवस्थासँग जोडिएको छ । आफ्नो चुनावी अभियानका क्रममा माम्दानीले संघीय अध्यागमन कानुन कार्यान्वयनको कडा निन्दा गर्दै शहरको आप्रवासी समुदायलाई आइसको छापाबाट बचाउने र न्यूयोर्कको आश्रय शहरको स्थिति कायम राख्ने वाचा गर्नुभएको थियो ।

मामदानीले आफूलाई आप्रवासी अधिकारका एक दृढ रक्षकको रूपमा प्रस्तुत गर्दै देशभरि आइसले मानिसहरूलाई गरेको व्यवहार देखेका न्यूयोर्कवासीहरू डरमा बाँचिरहेका तथा प्रायः आफ्नो घरबाट बाहिर निस्कन पनि डराउने उल्लेख गर्नुभएको थियो ।

न्यूयोर्क मेयरमा भारतीय मूलका र्यापर ममदानीको ऐतिहासिक विजय