प्रतिनिधिसभाको विशेष समयमा शिक्षा, स्वास्थ्य, कृषि, पर्यटनलगायतको विषयमा सरकारको ध्यानार्कषण

प्रतिनिधिसभाका सांसदले पर्वतारोहणका समस्या, श्रमिकको भोगाइदेखि जनसरोकारका विभिन्न विषयमा सरकारको ध्यानार्कषण गराउनुभएको छ । प्रतिनिधिसभाको मंगलबारको बैठकको विशेष समयमा बोल्दै उहाँहरूले शिक्षा, स्वास्थ्य, कृषि, पर्यटन, वैदेशीक रोजगार, बजार अनुगमनलगायत विषयमा ध्यानार्कषण गराउनुभएको हो ।

बैठकमा राष्ट्रिय स्वतन्त्र पार्टी (रास्वपा)का सांसद शोभा खनालले पर्यटन व्यवसायलाई व्यवस्थीत गर्नुको साथै नेपालमा अन्तरराष्ट्रियस्तरको पर्वतारोहण एकेडेमी स्थापना गर्न सरकार समक्ष माग गर्नुभयो ।

नेपाली कांग्रेसका सांसद सन्तोष सुब्बाले संसदका कामकारवाहीलाई प्रभावकारी बनाउने विषयमा जोड दिनुभयो । उहाँले प्रधानमन्त्री संसद्प्रति जवाफदेही हुनुपर्ने माग गर्नुभयो ।

नेकपा (एमाले)का सांसद छितिज थेवेले वैदेशीक रोजगारमा श्रमिकले भोग्नु परेका समस्याका बारेमा जानकारी गराउँदै हाल बजारमा देखिएको ग्यास अभाव बारेमा सरकारको ध्यानार्कषण गराउनुभयो ।

नेपाली कम्युनिष्ट पार्टीका सांसद रमेशकुमार मल्लले भारतमा रहेका नेपालीका गुनासो सुनवाइका लागि चौविस घण्टा सञ्चालन हुने प्रभावकालीन सहायता संयन्त्र निर्माण गर्न माग गर्नुभयो । श्रम संस्कृति पार्टीका सांसद पूर्णप्रसाद लिम्बुले पर्वतारोही निर्मल पुर्जालाई राष्ट्रिय विभूति घोषणा गर्न सरकार समक्ष आग्रह गर्नुभयो ।

राष्ट्रिय प्रजातन्त्र पार्टीका सांसद खुश्वु ओलीले नेपाली कार्पेट, धागो र कार्पेट कारखानामा काम गर्ने श्रमिकले भोग्नुपरेको शारिरिक, मौखिक र मानसिक शोषणबाट पीडित भएको घटना सुनाउँदै श्रम निरिक्षण गर्न सरकारको ध्यानाकर्षण गराउनुभएको थियो ।

रास्वपाका सांसद प्रमिला कुलुजुले सिन्धुपाल्चोकको जोखिमपुर्ण खानी बस्तीको व्यवस्थापन गर्न माग गर्नुभयो । काङ्ग्रेसका सांसद शाहजान खातुनले चिकित्सक, नर्स र स्वास्थ्यकर्मीको कार्य क्षेत्र सुरक्षित र मर्यादित बनाउन आग्रह गर्नुभयो ।

एमालेका सांसद लक्ष्मीप्रसाद पोखरेलले देश व्यापी रूपमा ग्यास अभाव बढेको बताउँदै सरकारले समाधानका लागि प्रभावकारी काम गर्नुपर्ने बताउनुभयो । नेपाली कम्युनिष्ट पार्टीका सांसद निराशा चौधरी (डगौरा)ले मुक्त कमैयाको पुनःस्थापनाकार्यमा जोड दिन आग्रह गर्नुभयो ।

रास्वपाका सांसद केपी खनालले कर्णाली र सुदुरपश्चिमको विकास समृद्धिका लागि काम गर्न माग गर्नुभयो । कांग्रेसका हरिनादेवी कामीले डडेलधुराको पूर्वाधार विकासको अवस्थाबारे जानकारी गराउँदै दिगो व्यवस्थापनका लागि काम गर्नुपर्ने बताउनुभयो ।

रास्वपाका सांसद जनकसिंह धामीले सीमा क्षेत्र व्यवस्थापनबारे सरकारले विशेष ध्यान दिनुपर्ने सुझाव दिनुभयो । कांग्रेसका सांसद रेखाकुमारी यादवले नागरिकका दैनिक आवश्यकताका विषयमा संबोधन गर्न आग्रह गर्नुभयो ।

रास्वपाका नरेन्द्र साह कलवारले सरकारले शिक्षा, स्वास्थ्य, कृषि, व्यवसायलगायत क्षेत्रमा जनभावना अनुरूप सेवा प्रदान गर्नु प्रमुख दायित्व हुनुपर्ने सुनाउनुभयो । रास्वपाका सांसद ज्ञानेन्द्रसिंह महताले दुई पाङ्ग्रे विद्युतीय सवारी साधनको दर्ता प्रक्रिया व्यवस्थीत गर्न सरकार समक्ष माग गर्नुभयो ।

बैठकमा सांसद माधवबहादुर थापा, पुष्पाकुमारी चौधरी, बुद्धिप्रसाद पन्थ, हरिमोहन भण्डारी, विक्रम थापा, अशोककुमार चौधरी, सोम शर्मा, धर्मराज केसी, मधुकुमार चौलागाईलगायतले समसामयिक विषयमा धारणा राख्नुभएको थियो ।