जताततै कोरोनाको त्रास फैलिइरहेका बेला जनजीवनलाई अरु त्रस्त पार्ने गरी गलत सूचना प्रसार गरेको भन्दै काठमाडौंको गोकर्णेश्वर नगरपालिकाले त्यस्तो कार्य गर्नेलाई सोधपुछका लागि बोलाएको छ । बिहिबार गोकर्णेश्वर नगरपालिकाको माकलबारी र मेडिकल कलेज क्षेत्रमा कोरोना संक्रमित देखिएको भन्दै टाटा मोबाइल गाडीमा सचेत रहन भन्दै माइकिङ गर्दै हिँडे।
यसअघि सोही क्षेत्रमा विदेशबाट आएकामा कोरोना लक्षण देखिएको र उनी अहिले पनि अस्पतालमा उपचाररत रहेको अवस्थामा चार जनाले गाडीबाट टोलमा कोरोना संक्रमित देखिन थालेको भन्दै माइकिङ गरेपछि टोलभरिका मानिसमा त्रास छायो ।
उनीहरुले त्यस क्षेत्र पूर्ण रूपमा लक डाउन भएको, दूध, खाद्यान्न सबै पसल बन्द हुने भन्दै प्रचार गरे । अकस्मात यस्तोा वातावरण बनेपछि नगरपालिकाका मेयर सन्तोष चालिसेले कोरोना संक्रमित भेटिएको सूचना कहाँबाट पाएर माइकिङ गरेको हो यस विषयमा सोधपुछका लागि नगरपालिकामा बोलाएको जानकारी दिनुभएको छ ।
मेयर चालिसेका अनुसार गोकर्णेश्वर नगरपालिका क्षेत्रमा अहिलेसम्म कुनै संक्रमित पुष्टि नभएको बताउँदै उनीहरुलाई नगरपालिकामा हाजिर हुन पत्र काटिसकेको जानकारी दिनुभएको छ ।
त्यसरी माइकिङ गर्नेको पहिचानन भैसकेको र प्रहरीलाई भनेर नगरपालिकामा हाजिर गराउन भनेको बताउँदै मेयर चालिसेले १५ दिनअगाडि युएईबाट आएका एकजना युवकलाई ज्वरो र खोकी देखिएपछि तत्काल टेकु अस्पताल पुर्याएको अहिलेसम्म कोरोनाको पुष्टि नभएको बताउनुभयो ।
चालिसेका अनुसार बिहीबारमात्र नगरपालिकाको स्वास्थ्य शाखाका प्रमुख अस्पताल पुगेर युवकको स्वास्थ्य अवस्था जानकारी लिएर आएको र शुक्रबार विहान पनि बिरामीसँग फोनमा कुरा गर्दा सबै ठिकै रहेको । नतिजा आउँन बाँकी रहेको जानकारी दिनुभएको छ ।
प्रतिक्रिया राख्नुहोस्