राष्ट्रिय स्वतन्त्र पार्टी (रास्वपा)का सभापति एवं प्रतिनिधिसभा सदस्य रवि लामिछानेले आफूविरुद्ध मुद्दा हाल्ने उद्योग नै चलेको बताउँदै घण्टी बजाउन मात्र होइन घण्टीले बजाउन पनि मिल्छ भन्दै कडा चेतावनी दिनुभएको छ ।
बुधबार युवराज पैडेलललृे लामिछानेको प्रतिनिधिसभा सदस्य पद खारेजीको मागसहित सर्वोच्च अदालतमा रिट निवेदन दर्ता गरेपछि बिहिबार सामाजिक संचालबाट लामिछानेले सो प्रतिक्रियाा दिनुभएको हो ।
आफूबिरुद्धको अर्को मुद्दा दर्ता भएपछि लामिछानेले यसको प्रतिक्रिया दिँदै मुद्दा हाल्नु र मुद्दा हाल्ने उद्योग चलाउनु दुई अलग कुरा भएको र अदालतले झिकाउनु भनेको अमेरिकी राहदानीको सक्कल निस्सा आफूसँगै भएकाले जेठ ९ गते नै अदालतलाई बुझाएको पनि जानकारी दिनुभएको छ ।
रविले सर्वोच्च अदालतको माघ १३ गतेको फैसलाको प्रकरण नं. २२, २८ र ३२ मा अमेरिकी नागरिकता परित्याग गरेको तथ्य पुष्टि गरेको बताउनुभएको छ ।
आफूबिरुद्ध सर्वोच्चमा मुद्दा परेपछि रविको प्रतिक्रिया यस्तो छ-
‘मुद्दा हाल्नु र मुद्दा हाल्ने उद्योग चलाउनु दुई अलग कुरा हुन् । मान्छेलाई इरिटेट गर्ने पनि सिमा हुन्छ।
१. सर्वोच्च अदालतको मिती २०७९/१०/१३को फैसलाको प्रकरण नं.२२, २८ र ३२ मा मैले अमेरिकी नागरिकता परित्याग गरेको तथ्य confirm गरेको छ।
२. अमेरिकि नागरिकता त्यागेको सक्कल निस्सा जिप्रका काठमाडौमा पेस गरि नेपाली नागरिकता पुन कायम गराएको छु ।
३. अदालतले झिकाउनु भनेको अमेरिकी राहदानीको सक्कल निस्सा मैसँग भएकाले मिति २०८०/०२/०९ मा सर्वोच्च अदालतमा बुझाइसकेको छु। यसको जानकारी र सक्कल बमोजिम नक्कल मिती २०७५/०३/०६ मा अध्यागमनलाई सप्रमाण बुझाइसकेको थिएं। टेलीभिजन बाट घोक्रो सुक्ने गरि सप्रमाण बोलीसकेको थिएं।
४. घण्टी लाई बजाउन मात्र होईन घण्टीले बजाउन पनि मिल्छ।’
प्रतिक्रिया राख्नुहोस्