एन आर एन न्युज

३९ हजार पाउण्ड अपचलनका विषयमा कोषाध्यक्ष खरेलमाथि छानविन शुरु

गैर आवासिय नेपाली संघ (एनआरएन) युकेको खाताबाट बाहिरिएको ३९ हजार पाउण्ड (लगभग नेरु ६० लाख) रुपैयाँका सम्बन्धमा कानुनी रुपबाट छानविन शुरु भएको छ ।

एनआरएन राष्ट्रिय समन्वय परिषद युकेका कोषाध्यक्ष विष्णु खरेलले छलकपड गरी, अध्यक्षको जानकारीबिना पैसा निकालेर अन्यत्र पठाएको विषयमा युकेको च्यारिटी कानुन अन्तर्गत पहिलो चरणको सोधपुछ शुरु भएको छ ।

गैर आवासीय नेपाली संघ युकेका प्रवक्ता भरतमणि चोङ्बाङले एक विज्ञप्ति जारी गरी खरेललाई हप्तादिन भित्र कारण दिन र २८ दिन भित्र सो रकम फिर्ता गर्न हिजो १६ अगष्ट २०२२ का दिन औपचारिक पत्र हूलाक मार्फत र इमेल मार्फत पठाईएको छानविन कमिटीले बताएको छ ।

पैसा अन्यत्र लैजानमा अरु कसैको प्रभाव रहेको छ वा छैन, यदि देश बाहिर पैसा पठाइएको भए परराष्ट्र कानुनको विधि अनुसार दुवै देशका सम्बन्धित निकायहरुलाई पनि आग्रह गरिने तयारी रहेको पनि जनाइएको छ ।

गत ६ अगष्टको दिन सम्पन्न ११ औं साधारणसभा तथा संघसंस्था सभाले डा। भिम पुनको नेतृत्वमा तिन सदसिय छानविन समिति र पूर्व अध्यक्ष रिटायर्ड मेजर डम्बर घले नेतृत्वमा मध्यस्थता समिति पनि निर्माण गरेको छ ।

प्रतिक्रिया राख्नुहोस्

सम्बन्धित खबर

Back to top button