नेपालको अर्थतन्त्रमा पर्यटनको विशेष भूमिका रहने भनिए पनि यहाँ विदेशी पर्यटकले जति खर्च गर्छन् त्यसको कैयौं गुणा बढी रकम नेपालीले विदेश गएर खर्च गर्ने गरेका छन् ।
यसको प्रमाणका रुपमा चालू आर्थिक वर्षको सुरुको तीन महिनामा नेपालीले विदेश भ्रमणमा खर्च गरेको रकमको आँकडा नै काफी छ ।
नेपाल राष्ट्र बैंकले शुक्रबार सार्वजनिक गरेको तथ्याङ्क अनुसार नेपालबाट कुल विदेश भ्रमणतर्फ ५१ अर्ब ८० करोड बाहिर गएको छ । यसमध्ये शिक्षातर्फको खर्च भने ३२ अर्ब ९२ करोड रुपियाँ छ ।
गत आर्थिक वर्षको सुरुको तीन महिनामा बाहिरिएका रकमको तुलनामा चालू आर्थिक वर्षको सुरुको तीन महिनामा ७६.१ प्रतिशतले वृद्धि भएको छ ।
गत आर्थिक वर्षको सुरुको तीन महिनामा भ्रमण खर्च २९ अर्ब ४१ करोड रहेकोमा शिक्षामा मात्र १७ अर्ब ८९ करोड बाहिरिएको थियो ।
प्रतिक्रिया राख्नुहोस्