राजनीति

ललितानिवास प्रकरणमा डा. बाबुरामको प्रश्न- मन्त्री दोषी प्रधानमन्त्री किन निर्दोष ?

अख्तियार दुरुपयोग अनुसन्धान आयोगले बालुवाटारको सरकारी जग्गा ललिता निवास अनियमितताका सम्बन्धमा पूर्व मन्त्रीहरुसहित पूर्व उच्च सरकारी अधिकारीसहित १ सय ७५ जना बिरुद्ध अर्बौं रुपैयाँ बराबरको विगोसहित भ्रष्टाचार मुद्दा दर्ता गरेपछि पूर्व प्रधानमन्त्री तथा समाजवादी पार्टीका अध्यक्ष डा. बाबुराम भट्टराईले मन्त्री दोषी तर प्रधानमन्त्री किन निर्दोष देखिए भन्दै प्रश्न उठाउनुभएको छ ।

बिहिबार ट्वीट गर्दै डा. भट्टराईले ललितानिवास जग्गा हिनामिना प्रकरणमा मन्त्री दोषी तर प्रधानमन्त्री निर्दोष देखिंदा असहजता महसुस गरेको प्रतिक्रिया दिनुभएको छ । उहाँले भन्नुभएको छ- “मैले पनि असहजता महसुस गरेको छु । सुर–असुर द्वन्द्वबाट निस्केको कालकुट विष पिएर शिवजी नीलकण्ठ बनेझैं देशलाई आवश्यक पर्छ भने म पनि नीलकण्ठ बन्न तयार छु । तर दोषीलाई छोड्ने, निर्दोषलाई फसाउने नहोस् ।”

मन्त्रिपरिषद्ले सामूहिक रूपमा गरेका निर्णयहरू आफ्नो क्षेत्राधिकारमा नपर्ने भन्दै अख्तियार दुरुपयोग अनुसन्धान आयोग (अदुअआ) ले ललितानिवास जग्गा प्रकरणमा पूर्वप्रधानमन्त्रीद्वय माधवकुमार नेपाल र डा. बाबुराम भट्टराईविरुद्ध मुद्दा चलाउनु नपर्ने निर्णय गरेको सन्दर्भमा पूर्वप्रधानमन्त्री भट्टराईको यस्तो प्रतिक्रिया आएको हो ।

‘देशमा व्याप्त भ्रष्टाचाररूपी क्यान्सरको एउटा अंश ललितानिवास प्रकरणमा अदुअआको प्रयत्न स्वागतयोग छ तर प्रथम दृष्टिय यसमा कतिपय त्रुटि र अपूर्णता देखिन्छ, हाम्रा ऐन कानून र राज्यसंयन्त्र परिणाममुखीभन्दा प्रक्रियामुखी बढी भएकाले यस्तो हुनसक्छ । ‘जानीजानी दुष्कर्म गर्नेले सत्ताको छहारी पाउने तर परिबन्धले अघिदेखि फस्ने नहोस् ।’

सम्बन्धित खबर

Back to top button