शनिबार साँझ आफूलाई चुम्बन गरेको दृश्य भिडियो कैद गरेको भन्दै त्यसलाई डिलिट गर्न माग गर्दै एक युवतीले महानगरीय प्रहरी वृत्त, जगातीको महिला सेलमा मौखिक उजुरी दिइन । सोही उजुरीका आधारमा अश्लील भिडियो बनाएको आरोपमा सूर्यविनायक नगरपालिका–५, कटुन्जेबाट प्रहरीले तीनजनालाई पक्राउ गर्यो ।

प्रहरीले सिन्धुली दुधौली नगरपालिका–६ घर भइ हाल ललितपुर लुभु बस्ने १९ वर्षीय अर्जुन अधिकारी, सोही ठाउँ घर भइ काठमाडौं कपन बस्ने १९ वर्षीय शान्तिराम दनुवार र २० वर्षीय राजीव थनेत दनुवारलाई पक्राउ गरेको थियो ।

तर आइतबार प्रहरीले उनीहरुलाई बिना कारबाही छाडिदियो । पीडित भनिएकी युवतीले किटानी जाहेरी नदिएपछि महानगरीय प्रहरी वृत्त, जगातीले उनीहरुलाई छाडेको हो ।

जगातीका डीएसपी चक्रराज जोशीका अनुसार करिब २०/२५ सेकेण्डको क्लीप रहेका कारण मुद्दा चलाउन खाजे पनि पीडितले नै जाहेरी दिन नमानेपछि कानूनी कारबाही गर्न नसकिएको बताउनुभयो ।

अश्लिल भिडियो बनाउने कार्यमा संलग्न तीनजना पक्राउ

साथीको तस्वीर राखेर अश्लिलता फैलाउने युवती पक्राउ