संयुक्त अरब इमिरेट्समा इरानको आक्रमणबाट आइतबार मृत्यु भएका नेपाली युवाको पहिचान खुलेको छ । अबुधाविस्थित जायद अन्तरराष्ट्रिय विमानस्थलामा इरानले प्रहार गरेको ड्रोन निष्क्रिय पार्ने क्रममा श्रेष्ठको निधन भएको खुलाइएको छ ।
अबुधाबीस्थित नेपाली राजदूतावासले दिएको जानकारीअनुसार आक्रमणमा परी मृत्यु हुनेमा गोरखाको भीमसेन थापा गाउँपालिका वडा नं ७ बोर्लाङ ठाँटीका दिवस श्रेष्ठ रहनुभएको छ ।
२९ वर्षीय दिवस श्रेष्ठ मिडल इस्ट कम्पनीमा सेक्युरिटी गार्डका रूपमा कार्यरत रहेको बताइएको छ । राजदूतावासले मृतक श्रेष्ठको पार्थिव शरीर स्वदेश फर्काउन सहजीकरण गर्ने बताएको छ ।
प्रतिक्रिया राख्नुहोस्