विश्वव्यापी महामारीका रुपमा फैलिइरहेको कोरोना भाइरस संक्रमणका कारण उत्पन्न परिस्थितिको समाधानका लागि टोकियोस्थित नेपाली दूताबासले समय समयमा विभिन्न माध्यमबाट आएका जिज्ञासाहरुको विज्ञप्तिमार्फत समाधान गर्न सुरु गरेको छ ।
यसै क्रममा सोमबार कोरोना संक्रमणबाट बच्न हरेक मुलुकले आआफ्नो किसिमको उपाय अवलम्बन गरिरहेको अवस्थामा जापानमा रहेका नेपालीहरुले नेपाल सरकारले अपनाएको उपाय र जापानले गरेको उपाय दुबैको पालनामा सचेत रहन आग्रह गर्दै विविभन्न जानकारीहरु दिइएको छ ।
टोकियोस्थित नेपाली दूताबासले एक विज्ञप्ति जारी गरी महामारी रोकथाम हुन अझै समय लाग्ने देखिएकाले थप सतर्कता, सजगता एवं सावधानी अपनाई आफू सुरक्षित हुँदै अरुको सुरक्षामा पनि ध्यान दिन आग्रह गरिएको छ ।
त्यसै गरी दूताबासले यस अवधिमा व्यवहारिक पक्षमा अन्योल, अस्पष्टता र द्विविधा भएको दूताबासमा इमेल, टेलिफोन, फेसबुक आदिबाट प्राप्त भएका जिज्ञासाहरुको समेत सम्बोधन गर्दै विज्ञप्ति प्रकाशित गरेको छ ।
हेर्नुहोस् दूताबासको पछिल्लो निर्णय
प्रतिक्रिया राख्नुहोस्