लकडाउनपछि दैनिक ज्याला मजदुरी गरेर गुजारा चलाउनेहरु देशका विभिन्न भागबाट पैदलै निकै कष्टपूर्ण यात्रा गर्दै आआफ्नो गाउँघर जानेहरुको लर्को लाग्न थालेको छ ।
यस्तो स्थितिमा प्रधानमन्त्री केपी शर्मा ओलीले अत्यावश्यक बाहेकका आवतजावत पूर्ण रुपमा बन्द गर्न र कोही खान नपाएरै गाउँ जान लागेको भए त्यहीँ खाद्यान्न पुर्याउने व्यवस्था गर्न निर्देशन दिनुभएको छ ।
मानिसहरु हप्ता दिनसम्म हिँडेर भए पनि गाउँ जाने क्रम बढेपछि प्रधानमन्त्री ओलीले बालुवाटारमा मन्त्रीहरुलाई बोलाएर त्यस्तो निर्देशन दिनुभएको हो । प्रधानमन्त्री ओलीले मानिसको आवतजावतमा उदारता देखाउन नहुने बताउँदै यदि खान नपाएरै जान लागेका हुन् भने जहाँ बसेका छन्, त्यहीँ खाद्यान्न पुर्याउने व्यवस्था गनै निर्देशन दिनुभएको हो ।
बैठकमा बैठकमा कोभिड १९ सम्बन्धी उच्चस्तरीय समितिले प्रदेश र स्थानीय तहसँग समन्वय गरेर सिधै गाउँ पुर्याउने वा यहीँ रोक्ने विकल्प पेश गरेपछि प्रधानमन्त्री ओलीले त्यस्तो निर्देशन दिनुभएको हो ।
प्रतिक्रिया राख्नुहोस्