गण्डकीप्रदेश

जनमोर्चाका सांसद आईसीयूमा भर्ना, सत्ता जोगाउन गुण्डागर्दी गरेको कांग्रेसको आरोप

गण्डकी प्रदेशको मुख्यमन्त्री पृथ्वी सुब्बा गुरुङलाई अविश्वासको प्रस्तावबाट हटाएर नेपाली कांग्रेसका सदस्यलाई मुख्यमन्त्रीका रुपमा प्रस्तुत गरिएका बेला बुधबार मतदानको संघारमा राष्ट्रिय जनमोर्चा नेपालका प्रदेश सदस्य गायब भएपछि प्रदेशसभा स्थगित गरियो ।

सांसद खिमविक्रम शाहीलाई कुनै अस्पतालको आईसीयूुमा भर्ना गरिएको भन्दैउनका स्व्किय सचिवले जानकारी दिएपछि यसबारेमा प्रमुख प्रतिपक्ष कांग्रेसले कडा आपत्ति व्यक्त गरेको छ । कांग्रेस प्रवक्ता विश्वप्रकाश शर्माले मुख्यमन्त्रीविरुद्ध अविश्वासको प्रस्ताव आएको अवस्थामा एकदिन अघिसम्म स्वस्थ रहेका सांसद कसरी अस्पताल भर्ना भए भनेर प्रश्न गर्नुभएको छ ।

सामाजिक सञ्जाल ट्वीटरमार्फत शर्माले स्वस्थ, तन्दुरुस्त मान्छेलाई पृथ्वी चोकको चरक अस्पतालको आइसियुमा कसैलाई भेट्न नदिएर किन राखिएको छ ? उपचारका नाममा बन्दी ? अविश्वासमा मत दिन रोक्ने नाममा सत्ता संरक्षित गुण्डागर्दी भन्दै प्रश्न गर्नुभएको छ ।

शर्माले कोरोनाको बिरामी आईसीयू बेड नभएर छटपटिइरहेका छन् तर सांसद शाहीको त कोरोना परीक्षण रिपोर्ट नेगेटिभ छ । तैपनि कसैलाई भेट्न नदिने गरी कोरोना संक्रमित भनेर आइसीयूमा राखिएको छ ।

प्रदेश सभाको बुधबारको बैठकमा मुख्यमन्त्री पृथ्वीसुब्बा गुरुङविरुद्धको अविश्वासको प्रस्तावमा मतविभाजनको कार्यसूची थियो । त्यसमा एकजना सदस्य पनि अनुपस्थित भए वा फ्लोर क्रस गरेको अवस्थामा प्रदेश सभाको अंकगणितमा फरक पर्ने अवस्था थियो ।

जनमोर्चाले अविश्वासको प्रस्तावको पक्षमा मतदान गर्ने निर्णय लिएको थियो । यस्तो अवस्थामा उसका एक सांसद गायब भए । उनी हराएपछि सो दलले सांसद खोजी पाउँ भन्दै उनको अवस्था ज्ञात नहुँदासम्म प्रदेश सभा नचलाउन निवेदन दिएका थिए ।

 

सम्बन्धित खबर

Back to top button