सर्वोच्चको आदेश संविधानप्रदत्त मौलिक हकमाथिको प्रतिबन्ध : प्रेस चौतारी
प्रेस चौतारी नेपालले सिधा कुरा डटकम अनलाइन र युट्युब च्यानलको ‘द डार्क फाईल’ शृङ्खलाअन्तर्गत प्रकाशित सामग्रीमाथिको सर्वोच्चको आदेश संविधानप्रदत्त मौलिक हकमाथिको प्रतिबन्ध भएको जनाएको छ ।

चौतारीका उपमहासचिव शुरोजङ्ग पाण्डेले बुधबार जारी गर्नुभएको प्रेस विज्ञप्तिमा उक्त आदेशप्रति ध्यानाकर्षण भएको जनाउँदै सो टिप्पणी गरिएको हो ।
विज्ञप्तिमा “संविधानको अन्तिम व्याख्याता, मौलिक अधिकारका संरक्षक, न्यायका लागि जनताको आशाको केन्द्रका रुपमा स्थापित सम्मानित सर्वोच्च अदालत जस्तो गरिमामय संस्थाले संविधान प्रदत्त मौलिक हकमाथि प्रतिबन्ध लगाएको” उल्लेख छ ।
नेपालको संविधानको मौलिक हकअन्तगर्त धारा १९ मा सञ्चारको हकअन्तर्गत विद्युतीय प्रकाशन, प्रसारण तथा छापालगायतका जुनसुकै माध्यमबाट कुनै समाचार, सम्पादकीय, लेख, रचना वा अन्य कुनै पाठ्य, श्रव्य, श्रव्यदृश्य सामग्रीको प्रकाशन तथा प्रसारण गर्न वा सूचना प्रवाह गर्न वा छाप्न पूर्वप्रतिबन्ध नलगाइने सुनिश्चत गरेको छ । प्रकाशन, प्रसारण गरेबापत प्रतिबन्ध नलगाउने, छापा वा अन्य सामग्री जफत नगर्ने, दर्ता खारेज नगर्ने व्यवस्था छ ।
सर्वोच्च अदाललते सोमबार उक्त अनलाइनले प्रकाशन गरेको समाचार २४ घण्टाभित्र हटाउन आदेश दिएको थियो भने प्रेस काउन्सिलले पनि सोही आदेश दिएको थियो ।
प्रतिक्रिया राख्नुहोस्