जल/वातावरण

त्रिवि शिक्षण अस्पतालमा मुटुरोगको उपचार गराइरहेकी महिलामा कोरोना संक्रमणको पुष्टि

टिचिंग अस्पताल

टिचिंग अस्पताल

एक सातादेखि काठमाडौंका त्रिवि शिक्षण अस्पतालमा मुटुरोगको उपचार गराइरहेकी मकवानपुरकी एक ५४ वर्षीया महिलालाई कोरोना संक्रमण पुष्टि भएको छ । मकवानपुरको हेटौंडा उपमहानगरपालिका– ४ हुप्रचौर घर भएकी ५४ वर्षकी महिलामा शुक्रबार कोरोना भाइरस संक्रमण पुष्टि भएको हो ।

समाचार अनुसार मुुटु रोगको बिरामी ती महिलालाई हेटौंडा अस्पतालले एक साताअघि त्रिवि शिक्षण अस्पताल हाताको मनमोहन कार्डियो थोरासिक भास्कुलर एण्ड ट्रान्सप्लान्ट सेन्टरमा रेफर गरेको थियो ।

त्रिवि शिक्षण अस्पतालका कोभिड १९ संयोजक पर्सन डा. सन्तकुमार दासले उपचाररत महिलालाई कोरोना संक्रमण भएको पुष्टि गर्द उनलाई गणेशमान भवनस्थित आइसोलेसनमा सारेको जानकारी दिनुभयो ।

ती महिलाको संक्रमण स्रोत भने खुलेको छैन । बागमती प्रदेशको सामाजिक विकास मन्त्रालयका डा. पुरुषोत्तम सेढाईंले हेटौंडामा ती महिलाको सम्पर्कमा रहेकाहरुको कन्ट्याक ट्रेसिङको काम सुरु भएको बताउँदै काठमाडौ र हेटौंडामा समेत उनीसँग सम्पर्कमा रहेकाको खोजी थालिएको छ ।

उता संक्रमित महिलाको प्रारम्भिक उपचार गरेको हेटौंडा अस्पतालका चिकित्सक तथा स्वाथ्यकर्मीहरु क्वारेन्टाइनमा बस्न लागेको सो अस्पतालका प्रमुख डा. प्रविण श्रेष्ठले दिनुभएको छ । उहाँका अनुसार ती महिलामा स्वास प्रश्वासमा समेत समस्या देखिएका कारण काठमाडौं रेफर गरिएको थियो ।

सम्बन्धित खबर

Back to top button