कोरोना संक्रमण फैलन नदिन भारतबाट आएकाहरुलाई सुरक्षित राख्न व्यवस्था गरिएको क्वारेन्टाइन निरीक्षण गर्दा गर्दै एक वडाध्यक्षको मृत्यु भएको छ । समाचार अनुसार कञ्चनपुरको कृष्णपुर नगरपालिका ७ का वडाध्यक्ष कल्लु रानाको मंगलबार राति निरीक्षण गर्ने क्रममा क्वारेन्टिन स्थलमै मृत्यु भएको हो ।
सेती प्रादेशिक अस्पतालका सूचना अधिकारी दिलिप श्रेष्ठले क्वारेन्टाइन व्यवस्थापनमा सक्रिय रहेका ले मृतकको कोरोना परीक्षण गर्न स्वाब झिकिएको रनतिजा आएपछि मात्र शवलाई कसरी व्यवस्थापन गर्ने भन्ने टुंगो लाग्ने बताउनुभयो ।
कृष्णपुर नगरपालिकाका मेयर कर्णबहादुर हमालका अनुसार मृतक वडाध्यक राति खाना खाएर नयाँ बनाइएको क्वारेन्टिन हेर्न निस्किएका र कुर्सीमा बसेर मोबाइल चलाइरहका बेला एक्कासी ढलेपछि अस्पताला पुर्याइएको थियो ।
पछिल्लो समय क्वारेन्टाइन व्यवस्थापनमा निकै सक्रिय ५८ वर्षीय ती वडाध्यक्षको मृत्युको कारण हृदयघातका कारण मृत्यु भएको हुनसक्ने अनुमान मेयर हमालका छ । मृतक वडाध्यक्ष दिनभर आफ्नो कार्यकक्षमा रहेको तर पिसिआर परीक्षणको नतिजा नआइ केही भन्न नमिल्नेन बताउनुभयो ।
प्रतिक्रिया राख्नुहोस्