विश्वव्यापी महामारीका रुपमा संक्रमण फैलिइरहेको कोरोना भाइरसबिरुद्धको खोप विकासका लागि जापानले एक अन्तर्राष्ट्रिय संगठनलाई ३० करोड अमेरिकी डलर सहायता दिने घोषणा गरेको छ । बिहिबार प्रधानमन्त्री शिन्जो आबेले बिहिबार सो घोषणा गर्नुभएको हो ।
सत्तारुढ दलको बैठकमा प्रधानमन्त्री आबेले भिडियो सन्देशमार्फत यसअघि घोषणा गरिएको १० करोड दडलर सहायतालाई बढाएर ३० करोड बनाइएको बताउनुभएको हो । सो सहयोग राशि विश्वभर स्वास्थ्यसेवाबाट बञ्चित मानिसका लागि खोप उपलब्ध गराउनु हुनेछ ।
गैवी द भ्याक्सिन एलायन्सद्वा कोरोना भाइरससंग लड्नका लागि खोपको विकास तथा अन्य कार्यका लागि अन्तर्राष्ट्रिय समुदायसंग अनुदानका लागि गरेको अनुरोधपछि जापानले सो कदम लिएको हो ।
जापानले स्थगित भएको २०२० को टोकियो ओलम्पिक खेल आयोजना सुनिश्चित गर्नका लागि जापानले खोप विकासका लागि पर्याप्त सहयोग दिइरहेको छ । कोरोना भाइरस संक्रमणका कारण ओलम्पिक एक वर्ष पछाडि धकेलिएको छ ।
प्रतिक्रिया राख्नुहोस्