जापानी कम्पनीले बनाएको औषधिले पायो स्वीकृति

मस्तिष्क रोग अल्जाइमरका बिरामीलाई उपयोगी हुने नयाँ औषधिलाई अमेरिकाको खाद्य एवं औषधि प्रशासन (एफडीए)ले स्वीकृति दिएको छ । ‘एडुकानुमाब’ नाम दिइएको सो औषधि १८ वर्षपछि बनेको पहिलो औषधि हो ।

जापानी कम्पनी एइसाई र अमेरिकी कम्पनी बायोजेनले विकसित गरेको यो औषधि मनोभ्रंशका लक्षणलाई मात्र नभएर रोग प्रतिरोधी पहिलो औषधि रहेको अनुसन्धानकर्ताहरुले बताएका छन् ।

उता एफडीएका अधिकारीहरुका अनुसार परीक्षणपछि रोगबाट निको हुने विषयमा केही अनिश्चियहरु अगाडि आएको र अर्को एक परीक्षण गर्नुपर्ने र यसका लागि वर्षौ लाग्नसक्छ ।

यद्यपि यसबीचमा बिरामीहरुले यो औषधि सेवन गर्नसक्ने बताइएको छ । स्मरण रहोस् अमेरिकामा ६० लाखभन्दा बढी अल्जाइमरका बिरामी रहेका छन् ।