प्रतिनिधिसभाको आजको बैठकमा राष्ट्र ऋण उठाउने विधेयक, २०८० माथि दुई सांसदले संशोधन प्रस्ताव प्रस्तुत भएको छ ।
अर्थमन्त्री डा प्रकाशशरण महतले प्रस्ताव गर्नुभएको राष्ट्र ऋण उठाउने विधेयक, २०८० माथि सांसदद्वय प्रेम सुवाल र सुमना श्रेष्ठले संशोधन प्रस्ताव गर्नुभएको हो ।
सांसद सुवालले राष्ट्रले ऋण लिन आवश्यक नभएको बताउनुभयो । उहाँले भन्नुभयो, “नेपालीको स्रोत नखुलेको सम्पत्ति राष्ट्रियकरण गर्ने, सम्पत्तिको सिमाङ्कन गर्ने र विदेशमा सम्पत्ति राख्न नपाउने व्यवस्था गरियो भने राज्यकोष मजबुद हुन्छ, ऋण लिन जरुरी हुँदैन ।”
यस्तै, सांसद सुमना श्रेष्ठले विभिन्न मन्त्रालय अन्त्रगतका बेरुजु र शोधभर्नाका कारण ऋण लिनसक्ने विश्वासको आधारसमेत प्रस्तुत गर्न नसक्ने अवस्थामा पुगेको बताउनुभयो । उहाँले प्रश्न गर्नुभयो- “बजेटको आधाभन्दा बढी बेरुजु छ, कुन विश्वासका आधारमा अझै पनि ऋण लिने ?”,
प्रतिक्रिया राख्नुहोस्