राष्ट्रिय प्रजातन्त्र पार्टीका संसदीय दलका नेता ज्ञानेन्द्र शाहीले मुगुका गणेश नेपालीको आत्मदाहपछि भएको मृत्युको घटनामा सरकार बेखबर रहेको भन्दै गृहमन्त्री कन्टेन्ट क्रियटर बन्न छाडेर जनताको सेवक बन्न सुझाव दिनुभएको छ ।
प्रतिनिधिसभाको शुक्रबार बसेको बैठकमा आकस्मिक समयमा बोल्दै सांसद शाहीले गरिब, दुःखी जनता राजधानीमा बाँच्न नसक्ने वातावरण बनेको बताउँदै सुविधा र व्यवस्था हुनेखानेका पक्षमा मात्र रहेको सुनाउनुभयो ।
शाहीले गृहमन्त्री क्यामेरा बोकेर यता र उता नगई गणेश नेपालीको थप उपचार गर्न भारत लैजान एयर एम्बुलेन्स बन्दोबस्त गर्नेतिर लागेका भए उनको जीवन बच्ने थियो भन्नुभयो ।
जरिवानाकै कारण नेपालीले आत्मदाह गर्नुपरेको यथार्थ सुनाउँदै शाहीले युरोपमाभन्दा बढी कर तिरेर सोमालियामा जस्तै पाउन नागरिक बाध्य भएको आरोप लगाउनुभयो ।
प्रतिक्रिया राख्नुहोस्