संयुक्त राष्ट्रसंघको ८१औँ महासभामा प्रधानमन्त्री बालेन्द्र शाहले सम्बोधनको अन्त्यमा ‘भगवान् पशुपतिनाथले विश्वको कल्याण गरून्, यो विश्व बुद्धले देखाएको बाटोमा हिँड्न सकोस्’ भन्दै नेपालको धार्मिक–सांस्कृतिक पहिचानलाई विश्व शान्ति, प्रकृति संरक्षण र जलवायु न्यायसँग जोड्नुभएको छ ।
पशुपतिनाथलाई समस्त प्राणीका रक्षक तथा नेपालको हिमाली–हिन्दू सभ्यताको प्रतीक र गौतम बुद्धलाई शान्ति, करुणा र अहिंसाको प्रतीकका रूपमा प्रस्तुत गर्दै उहाँले जलवायु संकट र युद्धले ग्रस्त विश्वका लागि जीवन, प्रकृति, शान्ति र मानवताको सन्देश दिन खोज्नुभएको हो ।
भोटेकोशी–त्रिशूलीको विपद्लाई हिमालयबाट आएको विश्वव्यापी चेतावनीका रूपमा प्रस्तुत गर्नुभएका शाहले हिमाल संकटको असर मानिस, कृषि, पानी र पारिस्थितिकीय प्रणालीसम्म पुग्ने विषय उठाउनुभयो। त्यसैले पशुपतिनाथसँग विश्वकल्याणको कामना गर्नु प्रकृति र समग्र जीवजगतको संरक्षणलाई जोडेर हेरिएको छ ।
त्यस्तै, युद्ध, द्वन्द्व र हतियारको होड बढिरहेको विश्वमा बुद्धको मार्गको स्मरण शान्ति, अहिंसा, करुणा र संवादको आग्रह गर्नुभयो । युद्धका लागि तीव्र आपूर्ति प्रणाली बनाउन सक्ने विश्वले किसानका लागि मल र जीविकोपार्जनका साधन सुनिश्चित गर्न नसकेको अवस्थाप्रति उहाँको गम्भीर प्रश्न थियो ।
पूरा विश्लेषण यो भिडियोमा
प्रतिक्रिया राख्नुहोस्