टोकियो । शक्तिशाली टाइफुन डुजुआनले सोमबार जापानका इजु द्वीपसमूह र कान्तो क्षेत्रमा भारी वर्षा गराएपछि जापानमा बाढी, पहिरो र तीव्र हावाको जोखिम बढेको छ।
पाँचदिने ‘सिल्भर विक’ बिदाको समयमा आएको आँधीका कारण जनजीवन, हवाई तथा रेल सेवा र विभिन्न कार्यक्रम प्रभावित भएका छन्।
जापान मौसम विज्ञान एजेन्सी (जेएमए)ले इजु द्वीपसमूह, कान्तो तथा तोकाइ र तोहोकुको प्रशान्त तटीय क्षेत्रमा रहेका बासिन्दालाई उच्च सतर्कता अपनाउन आग्रह गरेको छ।
तल्लो भूभागमा डुबान, नदीमा पानीको सतह बढ्ने तथा नदीले धार परिवर्तन गरी बस्तीमा पस्ने, पहिरो र शक्तिशाली हावाहुरीको जोखिम रहेको एजेन्सीले जनाएको छ।
इजु द्वीपसमूहको उत्तरी क्षेत्रमा पहिरोका लागि उच्चतम तहको ‘लेभल–५’ चेतावनी जारी गरिएको थियो भने कान्तोका विभिन्न क्षेत्रमा भारी वर्षा, पहिरो र बाढीका लागि ‘लेभल–४’ चेतावनी दिइएको थियो।
जेएमएका पूर्वानुमान महाशाखाका निर्देशक ताकुया होसोमीले लेभल–४ लागू भएका क्षेत्रमा जुनसुकै बेला ठूलो प्राकृतिक विपत्ति आउन सक्ने भन्दै स्थानीय प्रशासनले जारी गरेका उद्धार तथा सुरक्षित स्थानतर्फ जाने सूचनालाई गम्भीरतापूर्वक पालना गर्न आग्रह गरेका छन्।
सहरी क्षेत्रमा सडकमा पानी जम्न सक्ने भएकाले सावधानी अपनाउन तथा पानी पस्न सक्ने भूमिगत संरचना र पार्किङस्थलबाट टाढा रहन पनि आग्रह गरिएको छ।
सोमबार दिउँसो ४ बजेसम्म डुजुआन चिबा प्रिफेक्चरको कात्सुउराको दक्षिणपूर्वतर्फ करिब १३० किलोमिटर दूरीमा रहेको र प्रतिघण्टा ३५ किलोमिटरको गतिमा उत्तरपूर्वतर्फ अघि बढिरहेको थियो।
आँधीको केन्द्रमा वायुमण्डलीय चाप ९६० हेक्टोपास्कल तथा अधिकतम निरन्तर हावाको गति ४० मिटर प्रतिसेकेन्ड र झोक्काको गति ५५ मिटर प्रतिसेकेन्डसम्म पुगेको थियो।
इजु ओसिमामा सोमबार अपराह्नसम्मको २४ घण्टामा ६७२.५ मिलिमिटर वर्षा मापन गरिएको थियो। चिबाको किमित्सु क्षेत्रमा ३२४ मिलिमिटर वर्षा भएको जेएमएले जनाएको छ।
त्यसपछि मंगलबार साँझसम्मको २४ घण्टामा कान्तो क्षेत्रमा २०० मिलिमिटरसम्म, इजु द्वीपमा १००, तोहोकुमा १०० र तोकाइ क्षेत्रमा ८० मिलिमिटरसम्म वर्षा हुन सक्ने पूर्वानुमान गरिएको छ। पछिल्ला पूर्वानुमानले केही क्षेत्रमा अत्यधिक वर्षा हुने जोखिम कायमै रहेको देखाएका छन्।
आँधीका कारण जापानको यातायात सेवामा पनि ठूलो असर परेको छ। जापान एयरलाइन्सले १२० घरेलु उडान र अल निप्पोन एयरवेज (एएनए)ले १४० घरेलु उडान रद्द गरेका छन्। पछिल्ला रिपोर्टअनुसार अन्तर्राष्ट्रिय उडानसमेत प्रभावित भएका छन् र कुल रद्द उडानको संख्या २७५ भन्दा बढी पुगेको छ।
पूर्वी जापान रेलवेले चिबा र इबाराकी प्रिफेक्चर तथा पश्चिमी टोकियोका केही रेलमार्गमा आंशिक तथा दिनभर सेवा स्थगित गरेको छ। आँधीको जोखिमका कारण अन्य रेल तथा सडक सेवामा पनि ढिलाइ र अवरोध देखिएको छ।
आँधीका कारण जापानको चर्चित टोकियो गेम शोको सोमबारको कार्यक्रमसमेत रद्द गरिएको छ। बिहीबारदेखि सुरु भएको पाँचदिने कार्यक्रम एक दिन छोट्याइएको हो। चिबामा आयोजना हुने केही सांगीतिक कार्यक्रम र खेलकुद गतिविधि पनि प्रभावित भएका छन्।
डुजुआन जापानले यस वर्ष पहिचान गरेको २५औँ नाम दिइएको आँधी हो। जेएमएका अनुसार आँधी कान्तो हुँदै उत्तरपूर्वतर्फ अघि बढेपछि क्रमशः कमजोर हुँदै जाने पूर्वानुमान गरिएको छ।
तर भारी वर्षा, पहिरो, बाढी र तीव्र हावाको जोखिम भने आँधी पार भइसकेपछि पनि केही समय रहन सक्ने भएकाले प्रभावित क्षेत्रका बासिन्दालाई सतर्क रहन आग्रह गरिएको छ।
टोकियो । शक्तिशाली टाइफुन डुजुआनले सोमबार जापानका इजु द्वीपसमूह र कान्तो क्षेत्रमा भारी वर्षा गराएपछि जापानमा बाढी, पहिरो र तीव्र हावाको जोखिम बढेको छ।
पाँचदिने ‘सिल्भर विक’ बिदाको समयमा आएको आँधीका कारण जनजीवन, हवाई तथा रेल सेवा र विभिन्न कार्यक्रम प्रभावित भएका छन्।
जापान मौसम विज्ञान एजेन्सी (जेएमए)ले इजु द्वीपसमूह, कान्तो तथा तोकाइ र तोहोकुको प्रशान्त तटीय क्षेत्रमा रहेका बासिन्दालाई उच्च सतर्कता अपनाउन आग्रह गरेको छ।
तल्लो भूभागमा डुबान, नदीमा पानीको सतह बढ्ने तथा नदीले धार परिवर्तन गरी बस्तीमा पस्ने, पहिरो र शक्तिशाली हावाहुरीको जोखिम रहेको एजेन्सीले जनाएको छ।
इजु द्वीपसमूहको उत्तरी क्षेत्रमा पहिरोका लागि उच्चतम तहको ‘लेभल–५’ चेतावनी जारी गरिएको थियो भने कान्तोका विभिन्न क्षेत्रमा भारी वर्षा, पहिरो र बाढीका लागि ‘लेभल–४’ चेतावनी दिइएको थियो।
जेएमएका पूर्वानुमान महाशाखाका निर्देशक ताकुया होसोमीले लेभल–४ लागू भएका क्षेत्रमा जुनसुकै बेला ठूलो प्राकृतिक विपत्ति आउन सक्ने भन्दै स्थानीय प्रशासनले जारी गरेका उद्धार तथा सुरक्षित स्थानतर्फ जाने सूचनालाई गम्भीरतापूर्वक पालना गर्न आग्रह गरेका छन्।
सहरी क्षेत्रमा सडकमा पानी जम्न सक्ने भएकाले सावधानी अपनाउन तथा पानी पस्न सक्ने भूमिगत संरचना र पार्किङस्थलबाट टाढा रहन पनि आग्रह गरिएको छ।
सोमबार दिउँसो ४ बजेसम्म डुजुआन चिबा प्रिफेक्चरको कात्सुउराको दक्षिणपूर्वतर्फ करिब १३० किलोमिटर दूरीमा रहेको र प्रतिघण्टा ३५ किलोमिटरको गतिमा उत्तरपूर्वतर्फ अघि बढिरहेको थियो।
आँधीको केन्द्रमा वायुमण्डलीय चाप ९६० हेक्टोपास्कल तथा अधिकतम निरन्तर हावाको गति ४० मिटर प्रतिसेकेन्ड र झोक्काको गति ५५ मिटर प्रतिसेकेन्डसम्म पुगेको थियो।
इजु ओसिमामा सोमबार अपराह्नसम्मको २४ घण्टामा ६७२.५ मिलिमिटर वर्षा मापन गरिएको थियो। चिबाको किमित्सु क्षेत्रमा ३२४ मिलिमिटर वर्षा भएको जेएमएले जनाएको छ।
त्यसपछि मंगलबार साँझसम्मको २४ घण्टामा कान्तो क्षेत्रमा २०० मिलिमिटरसम्म, इजु द्वीपमा १००, तोहोकुमा १०० र तोकाइ क्षेत्रमा ८० मिलिमिटरसम्म वर्षा हुन सक्ने पूर्वानुमान गरिएको छ। पछिल्ला पूर्वानुमानले केही क्षेत्रमा अत्यधिक वर्षा हुने जोखिम कायमै रहेको देखाएका छन्।
आँधीका कारण जापानको यातायात सेवामा पनि ठूलो असर परेको छ। जापान एयरलाइन्सले १२० घरेलु उडान र अल निप्पोन एयरवेज (एएनए)ले १४० घरेलु उडान रद्द गरेका छन्। पछिल्ला रिपोर्टअनुसार अन्तर्राष्ट्रिय उडानसमेत प्रभावित भएका छन् र कुल रद्द उडानको संख्या २७५ भन्दा बढी पुगेको छ।
पूर्वी जापान रेलवेले चिबा र इबाराकी प्रिफेक्चर तथा पश्चिमी टोकियोका केही रेलमार्गमा आंशिक तथा दिनभर सेवा स्थगित गरेको छ। आँधीको जोखिमका कारण अन्य रेल तथा सडक सेवामा पनि ढिलाइ र अवरोध देखिएको छ।
आँधीका कारण जापानको चर्चित टोकियो गेम शोको सोमबारको कार्यक्रमसमेत रद्द गरिएको छ। बिहीबारदेखि सुरु भएको पाँचदिने कार्यक्रम एक दिन छोट्याइएको हो। चिबामा आयोजना हुने केही सांगीतिक कार्यक्रम र खेलकुद गतिविधि पनि प्रभावित भएका छन्।
डुजुआन जापानले यस वर्ष पहिचान गरेको २५औँ नाम दिइएको आँधी हो। जेएमएका अनुसार आँधी कान्तो हुँदै उत्तरपूर्वतर्फ अघि बढेपछि क्रमशः कमजोर हुँदै जाने पूर्वानुमान गरिएको छ। तर भारी वर्षा, पहिरो, बाढी र तीव्र हावाको जोखिम भने आँधी पार भइसकेपछि पनि केही समय रहन सक्ने भएकाले प्रभावित क्षेत्रका बासिन्दालाई सतर्क रहन आग्रह गरिएको छ।
समाचार र तस्वीर स्रोत- जापान टाइम्स
प्रतिक्रिया राख्नुहोस्