पूर्व प्रधानमन्त्री तथा नेकपा एमालेका अध्यक्ष केपी शर्मा ओलीले आफू नेतृत्वको सरकारले मात्रै देश बनाउने दावी गर्दै यो हाहुको सरकारलाई देश जिम्मा लगाएर विदेश नभाग्ने बताउनुभएको छ ।
केही दिनयता नेताहरुको पासपोर्ट रोक्का गर्ने सन्दर्भका समाचारहरु सार्वजनिक हुन थालेपछि शनिबार भक्तपुरको गुण्डुमा आयोजना गर्नुभएको चियापान समारोहमा उहााले सो कुरा बताउनुभएको हो ।
चियापान कार्यक्रमलाई सम्बोधन गर्ने क्रममा अध्यक्ष ओलीले हाहुको सरकारलाई देश जिम्मा लगाएर विदेश नभाग्ने बताउँदै आफ्नै नेतृत्वको दलले देश बनाउने र संवैधानिक र लोकतान्त्रिक मूल धारमा ल्याउने समेत जिकिर गर्नुभयो ।
उहाँले भन्नुभयो, ‘अहिले म सुनिरहेको छु, सरकार विभिन्न प्रकारका हल्ला गरिरहेको छ । पासपोर्ट रोक्ने, के ठानेको छ ? यो हाहुको सरकारलाई देश जिम्मा लाइदिएर हामी विदेश भाग्छौं ?’
अध्यक्ष ओलीले अगाडि भन्नुभयो, ‘हामीले यो देश बनाउनुपर्नेछ, फेरि पनि हामी यो देशलाई संवैधानिक, लोकतान्त्रिक मूल धारमा ल्याउँछौं ।’
प्रतिक्रिया राख्नुहोस्