त्रिभुवन विश्वविद्यालय (त्रिवि)ले आफ्नो स्वामित्वमा रहेको तर लामो समयदेखि विभिन्न व्यक्ति, कम्पनी वा संघसंस्थाले अवैध रूपमा भोगचलन गरिरहेका जग्गा तथा अचल सम्पत्ति फिर्ता गर्न ३५ दिने अलीटमेटम दिएको छ ।
त्रिविद्वारा गठित ‘जग्गा तथा अचल सम्पत्ति खोजबिन समितिको प्रतिवेदन २०८१’ ले त्रिविका धेरै जग्गाहरू प्रचलित ऐन, नियम र कानुन विपरीत अनधिकृत रूपमा कब्जा र नियन्त्रणमा रहेको तथ्य फेला पारेको थियो।
सोही प्रतिवेदनको निष्कर्षलाई कार्यान्वयन गर्दै त्रिवि कार्यकारी परिषद्को मिति २०८२ साल चैत २३ गते जग्गा फिर्ता गराउने निर्णय गरेको थियो । सोही बमोजिम शुक्रबार गोरखापत्र दैनिकमा सूचना प्रकाशित गर्दै ३५ दिनभित्र त्यस्ता सम्पत्ति खाली गर्न अन्तिम चेतावनी दिएको हो।
तोकिएको समय -३५ दिन) भित्र जग्गा खाली नगरेमा प्रचलित कानुन बमोजिम कडा कारबाही प्रक्रिया अगाडि बढाइने त्रिवि सामान्य प्रशासन महाशाखाले जनाएको छ।
जारी सूचनामा विभिन्न व्यक्ति, निजी कम्पनी र संस्थाहरूले विश्वविद्यालयको शैक्षिक उन्नयनका लागि सरकार तथा दाताहरूले दिएको जग्गा नियमविपरीत भोगचलन गरिरहेको पाइएको उल्लेख छ।
प्रतिक्रिया राख्नुहोस्