जापान सरकारले यो वसन्तदेखि कोरोना भाइरसलाई मौसमी इन्फ्लुएन्जाजन्य रोग सरहको कानुनी श्रेणीमा वर्गीकरण गरे पनि कोभिड १९ को खोप भने निःशुल्क गर्न स्वास्थ्य मन्त्रालय अन्तर्गतको विज्ञ प्यानल सहमत भएको छ ।
आज (शुक्रबार) प्रधानमन्त्री फुमियो किशिदाले राष्ट्रको सामाजिक र आर्थिक गतिविधिलाई सामान्य बनाउन र राज्यको समर्थनको समीक्षा गर्ने अभियानका रूपमा आउँदो अप्रिलको अन्त्यमा वा मे महिनाको शुरुमा कोरोनालाई हालको श्रेणी २ बाट श्रेणी ५ मा वर्गीकरण गर्ने निर्णयको घोषणा गर्ने अपेक्षा गरिएको छ।
सरकारको यस्तो तयारी भए पनि कोभिड १९ को खोपहरू निःशुल्क र अलि लामो समयसम्म उपलब्ध हुनुपर्छ, कहिल्यै खोप नपाएका व्यक्तिहरू र अन्तिम खोपको छ महिनापछि बुस्टर प्राप्त गर्न चाहनेहरूका लागि निःशुल्क हुनुपर्ने खोप नीति समितिका सदस्यहरूले बताएका छन् ।
वाकिता नेशनल इन्स्टिच्युट अफ इन्फेक्सियस डिजिज (एनआईआईडी)का निर्देशक ताकाजी वाकिताको अध्यक्षतामा रहेको समितिले सो निर्णय गरेको हो ।
प्रतिक्रिया राख्नुहोस्