म्यानमारमा आपतकालको अवधि लम्ब्याएकोमा जापानले चिन्ता व्यक्त गरेको छ । बुधबार आपतकाल थपिएको समाचार सार्वजनिक गरेसँगै म्यान्मारको यो कदमदेखि जापान चिन्तित रहेको बताइएको हो ।
जापानका विदेशमन्त्री हायासी योशिमासाले म्यानमारको सेनाले आङ सान सुकी सहित सबै बन्दीहरुको रिहाई जस्ता राजनीतिक प्रगति गर्न असफल भएको बताउँदै चिन्ता व्यक्त गर्नुभएको हो ।
हायासी भन्नुभयो, अन्तर्राष्ट्रिय समुदायले हिंसा अन्त्य गर्न बारम्बार अपील गरे तापनि म्यानमारमा ठूलो संख्यामा हताहत भएको अवस्थाको जापानले कडा आलोचना गरेको छ।
उहाँले म्यानमारमा शान्ति र स्थिरता पुनर्स्थापनाका लागि हिंसा त्यागेर शान्तिपूर्ण समाधानतर्फ लाग्न सम्बन्धित सबै पक्षलाई आह्वान गर्दै म्यानमारका जनतालाई जापानले मानवीय सहयोग जारी राख्ने पनि बताउनुभयो ।
प्रतिक्रिया राख्नुहोस्