अख्तियार दुरुपयोग अनुसन्धान आयोगले बालुवाटारको ललिता निवासको जग्गा व्यक्तिको नाममा दर्ता गर्ने काममा संलग्नमाथि कारबाहीको माग गर्दै विशेष अदालतमा भ्रष्टाचार मुद्दा दायर गरेको छ ।
अख्तियारले सरकारी जग्गा व्यक्तिको नाममा दर्ता गर्ने काममा संलग्न १ सय ७५ जनामाथि अख्तियार दुरुपयोग अनुसन्धान आयोगले विशेष अदालतमा भ्रष्टाचार मुद्दा दायर गरेको हो ।
बुधबार अख्तियारले पूर्वमन्त्री विजय गच्छदार, चन्द्रदेव जोशी र डम्बर श्रेष्ठसहित १ सय ७५ जनाविरुद्ध भ्रष्टाचार मुद्दा दायर गरेको हो । जसमा पूर्वसचिवहरु छविराज पन्त, दिनेशहरि अधिकारी र दीप बस्न्यात तथा भाटभटेनी सुपर मार्केटका प्रमुख मीनबहादुर गुरुङ लगायतविरुद्ध मुद्दा दायर गरेको छ ।
अख्तियारले कांग्रेस नेता गच्छदारमाथि ९ करोडभन्दा बढी, अख्तियारका पूर्वप्रमुख बस्न्यातबिरुड ९ करोड , शोभाकान्त ढकालबिरुद्ध ३१ करोड ६५ लाख रुपैयाँ विगो तथा जरिवाना माग गर्दै मुद्दा दायर गरिएको हो ।
पूर्व सचिव शारदाप्रसाद त्रिताल नेतृत्वको छानबिन समितिले भूमाफिया र उनीहरूलाई सहयोग गर्नेहरूको नामै किटेर कारवाही गनुपर्ने सिफारिस सहितको प्रतिवेदन बुझाएपछि अख्तियार दुरुपयोग अनुसन्धान आयोग, सिआईबी र भूमि व्यवस्था मन्त्रालयले यो विषयमा अनुसन्धान गरेको थियो ।
यसअघि प्रहरीको केन्द्रीय अनुसन्धान ब्यूरो (सीआईबी)ले ललिता निवासको २ सय ९९ रोपनी मध्ये १ सय १४ रोपनी जग्गा हिनामिनामा मुद्दा चलाउन सिफारिस गरेको थियो ।
जग्गा विक्रीमा संलग्न भएको आरोप लागेका नेकपा महासचिव विष्णु पौडेल लगायत सत्तापक्षका नेताहरुका विषयमा भने अख्तियार र सिआईबी मौन रहेको छ ।
प्रतिक्रिया राख्नुहोस्