राजनीति

रुसको कदमबिरुद्ध नेपालको कडा बिरोध

नेपालले युक्रेनमा रुसबाट भएको आक्रमणको कडा बिरोध जनाएको । रुसले युक्रेनमा विशेष सैन्य कारबाही सुरु गरेपछि परराष्ट्र मन्त्रालयले एक विज्ञप्ति जारी गर्दै कुनै पनि सार्वभौम मुलुकविरुद्ध हुने बल प्रयोगको नेपालले कडा विरोध गर्ने बताएको छ ।

विज्ञप्तिमा नेपाल सरकारले युक्रेनमा विकसित घटनाक्रमलाई नजिकबाट पछ्याइरहेको जनाउँदै सम्बन्धित सबै पक्षलाई अधिकतम संयमता अपनाएर तनाव कम गर्न अपिल समेत गरेको छ ।

विज्ञप्तिमा कुनै पनि मुलुकको सार्वभौमिकता र भौगोलिक अखण्डता अक्षुण रहेको भन्दै यसको पूर्ण सम्मान हुनुपर्ने पनि माग गर्दै विज्ञप्तिमा संयुक्त राष्ट्रसंघको सदस्य भएको हुँदा राष्ट्रसंघको बडापत्रमा उल्लिखित सार्वभौमिकता र भौगोलिक अखण्डताको सिद्धान्त अक्षुण रहेको र यसको पूर्ण पालनामा जोड दिइएको छ ।

यसै गरी नेपालले युक्रेनको डोनेट्स्क र लुहान्सकलाई स्वतन्त्र राज्यको मान्यता दिने रुस्को कार्य राष्ट्रसंघको बडा पत्रविपरीत हुने भन्दै कुनै पनि सार्वभौम मुलुकविरुद्ध हुने बल प्रयोगको नेपालले विरोध गर्ने पनि विज्ञप्तिमा उल्लेख छ ।

परराष्ट्रको विज्ञप्तिमा भनिएको छ, नेपालले कुनै पनि परिस्थितिमा सार्वभौम मुलुकविरुद्ध हुने बल प्रयोगको विरोध गर्दै विवादलाई कुटनीति एवं वार्तामार्फत् शान्तिपूर्ण समाधान हुनु पर्ने कुरामा विश्वास गर्छ ।

प्रतिक्रिया राख्नुहोस्

सम्बन्धित खबर

Back to top button