नेपाली राष्ट्र्रिय क्रिकेटका लागि विश्वकपको ढोका खोल्ने पपुवा न्यूगिनी र युएई बिरुद्धको खेलमा टोलीका महत्वपूर्ण सदस्य सन्दीप लामिछाने अति मत्वपूर्ण खेलमा सहभागी हुन पाएनन् ।
बलात्कार आरोप लागेका क्रिकेटर सन्दीप लामिछानेलाई अदालतले विदेश जान रोक लगाएका कारण उनी युएई जान पाएनन् । शुक्रबार सर्वोच्च अदालतले यस विषयमा परेको दुबै निवेदनलाई एकसाथ पेश गर्न आदेश दिएपछि आज सुनुवाई हुँदैछ ।
उच्च अदालतबिरुद्ध सरकारले सर्वोच्चमा दिएका निवेदन सन्दीपले युएई भ्रमणमाा जान अनुमतिका लागि दिएको निवेदनलाई एकसाथ सपना प्रधान मल्ल र कुमार चुडालको इजलासमा परेको छ ।
लामिछानेमाथि नाबालिकलाई बलात्कार गरेको आरोप विरुद्धको मुद्दा जिल्ला अदालत काठमाडौंमा विचाराधिन छ । तर पाटन उच्च अदालतले उनलाई २० लाख धरौटीमा छाड्न आदेश दिएको थियो । उक्त आदेशमा विदेश जान पनि सरकारको अनुमति लिनुपर्ने उल्लेख छ ।
त्यसविरुद्ध महान्यायाधिवक्ताको कार्यालय निवेदन पेश गरेको थियो । सन्दीपले पनि आफू क्रिकेट खेल्नका लागि विदेश जान पाउनुपर्ने मागसहित सर्वोच्चमा निवेदन दिएका थिए । यी दुवै निवेदनमाथि सुनुवाइ हुन लागेको हो ।
शुक्रबार सर्वोच्च अदालतको एकल इजलासले त्यो निवेदनसहित लामिछानेले विदेश जान अनुमती माग गरेको निवेदनलाई एक साथ पेश गर्न आदेश दिएको थियो ।
सर्वोच्चले आदेश सदर गरेमा लामिछाने थुनामा बस्नुपर्नेछ भने साधारण तारिखमा छाड्ने आदेश गरेमा उनले विदेश जान अनुमती माग्नुपर्ने छैन ।
प्रतिक्रिया राख्नुहोस्