पूर्व प्रधानमन्त्री तथा सत्तारुढ नेपाल कम्युनिस्ट पार्टी (नेकपा) अध्यक्ष पुष्पकमल दाहाल प्रचण्डमाथि काठमाडौंमा जुत्ता प्रहार भएको छ । अध्यक्ष प्रचण्डमाथि जुत्ता प्रहार गर्ने युवक पूर्व लडाकु भएको बुझिएको छ ।
आइतबार भरतमोहन अधिकारीको प्रथम स्मृति दिवसका अवसरमा राष्ट्रियसभा गृहमा आयोजित कार्यक्रममा उहाँमाथि जुत्ता प्रहार भएको हो ।
स्व. अधिकारीको प्रथम स्मृति सभामा संबोधन गरेर आफ्नो आशनमा फर्किने क्रममा दर्शकदीर्घाबाट उहाँलाई ताकेर जुत्ता प्रहार भए पनि जुत्ता मञ्चसम्म आइपुगेन । उनलाई अनामनगरस्थित महानगरी प्रहरी वृत्त सिंहदरबारमा लगिएको छ ।
अध्यक्ष प्रचण्डलाई जुत्ता नलागे पनि जुत्ता प्रहार गर्ने व्यक्तिलाई सुरक्षाकर्मीले नियन्त्रणमा लिएको छ । दर्शक बस्ने ठाउँबाट जुत्ता प्रहार भएपछि मञ्चमा रहेका सुरक्षाकर्मीहरू दौडेर ती व्यक्तिलाई पक्रन गएका थिए ।
प्रचण्डले कार्यक्रमलाई सम्बोधन गरिरहेको भिडिओ उहाँको सचिवालयले फेसबुकमा लाइभ गरिरहेको थियो ।
प्रतिक्रिया राख्नुहोस्