पूर्व प्रधानमन्त्री तथा नेकपा एमालेका अध्यक्ष केपी शर्मा ओली मुलुकको राजनीतिमा विवाद, आलोचनाका लागि जति चर्चित हुनुहुन्छ उति नै चर्चा उहाँको तर्कपूर्ण अभिव्यक्तिको पनि हुने गर्दछ ।
त्यसै गरी उहाँ बेलाबेलामा बालबालिका तथा वृद्धवृद्धा र श्रमजीवीहरुसंग साक्षात्कार गर्दै उनीहरुको गुनासो सुन्ने र आफ्ना कुरा भन्ने गर्नुहुन्छ ।
यस्तै काम हिजो शुक्रबार उहाँले गर्नुभयो , पार्टी कार्यालयबाट घर फर्कने क्रममा उहाँले बाटामा स्कूले विद्यार्थीहरुसंग कुराकानी गर्नुभयो भने संगै सडक किनारमा पोलेको मकैं खानुभयो ।
पूर्व प्रधानमन्त्री ओलीले यो कुरा फोटोसहित ट्वीट गरेर जानकारी दिनुभएको हो । उहाँले लेख्नुभएको छ, “पार्टी कार्यालयबाट घर फर्कंदै थिएँ, बाटोमा स्कूल छुटेर फर्किंदै गरेका नानीबाबूहरूसँग रमाइलो भेट गर्ने अवसर मिल्यो। नजिकै एकजना बहिनी मकै पोलेर बेचिरहनु भएको रैछ, पोलेको मकै खाएँ । एकदम मज्जा लाग्यो !”
प्रतिक्रिया राख्नुहोस्