राष्ट्रिय प्रजातन्त्र पार्टी (राप्रपा)ले सरकारले तोकेको निषेधित क्षेत्र तोडेर प्रदर्शन गर्ने निर्णय गरेपछि गृह मन्त्रालयले निषेधित क्षेत्र तोड्ने प्रयास भए कानुन अनुसार कारबाही हुने बताएको छ ।
राप्रपाले भोलि वैशाख ७ गते आइतबार सरकारले तोकेको निषेधित क्षेत्र तोड्ने निर्णय गरेको भन्दै विभिन्न समाचारहरु सार्वजनिक भएपछि गृह मन्त्रालयले विज्ञप्ति मार्फत कानुन बमोजिम कारबाही हुने चेतावनी दिएको हो ।
मन्त्रालयले एक विज्ञप्ति जारी गरी संविधान र कानूनको ठाडो उल्लंघन गर्न प्रोत्साहित गर्ने र समाजमा अराजकता फैलाउने कुनै पनि गतिविधि सैह्य नहुने स्पष्ट पारेको छ ।
गृह मन्त्रालयका प्रवक्ता रामचन्द्र तिवारीले जारी गरेको विज्ञप्तिमा भनिएको छ, ‘संविधान र कानूनको ठाडो उल्लंघन गर्न प्रोत्साहित गर्ने र समाजमा अराजकता फैलाउने कुनै पनि गतिविधि सह्य नहुने र यस्तो गतिविधिमा संलग्न हुने जो सुकैलाई कानुन बमोजिम कारबाही हुने व्यहोरा सूचित गरिन्छ ।’
साथै विज्ञप्तिमा समाजमा हिंसा फैलाउने कुनैप नि अराजक, उत्तेजक र गैरकानुनी क्रियाकलापमा संलग्न नहुन समेत अनुरोध गरिएको छ ।
प्रतिक्रिया राख्नुहोस्