अध्यागमन विभागले संयुक्त अरब इमिरेट्स (युएई) जान लागेका नेपालीको राहदानीमा अनधिकृत रुपमा काम गर्न निषेध गरिएको व्यहोरा लेख्ने दुई जना अधिकृतलाई जिम्मेवारीबाट हटाएर अनुसन्धान गरिरहेको जनाएको छ ।
विभागका प्रवक्ता एवं निर्देशक टिकाराम ढकालले एक विज्ञप्ति जारी गरी नेपाली नागरिकलाई सर्त तोकेर प्रस्थान अनुमति दिने अध्यागमन प्रशासनको कुनै नीति वा निर्णय नभएकाले त्यसविपरीत काम गर्ने दुई जनालाई जिम्मेवारीबाट हटाई आवश्यक छानबिन भइरहेको बताउनुभयो ।
निजहरूले प्रचलित कानुन र विभागीय निर्णयबाहिर गई गैरकानुनी अभ्यास गरेकाले त्रिभुवन अन्तरराष्ट्रिय विमानस्थलस्थित कार्यालयको जिम्मेवारीबाट हटाइएको पनि विज्ञप्तिमा उल्लेख छ ।
युएई प्रस्थान गर्न लागेका नेपाली नागरिकको राहदानीमा प्रस्थान छापसँगै काम गर्न नपाउने भनी लेखिदिएको भन्दै विरोध भएको थियो । सोही विषयमा छानबिनका लागि यही वैशाख ३ गतेको निर्णयबाट छानबिन समिति गठन गरिएको पनि विज्ञप्तिमा उल्लेख छ ।
प्रतिक्रिया राख्नुहोस्