संघीय संसद प्रतिनिधिसभाका चार सांसदलाई कोरोना संक्रमण पुष्टि भएको छ । वैशाख २७ गते बोलाइएका विशेष अधिवेशनका लागि बुधबार गरिएका पिसीआर परीक्षणमा चार सांसदसहित संघीय संसद् सचिवालयका २ कर्मचारीमा कोरोना संक्रमण पुष्टि भएको छ ।
बुधबार नै पिसीआर परीक्षण गर्दा सभामुख अग्नि सापकोटा र सचिवालयका सबैको पीसीआर रिपोर्ट नेगेटिभ देखिएको संसद् सचिवालयले जनाएको छ ।
सभामुखसहित १२८ जना सांसदको बुधबार पीसीआर परीक्षण गरिएको थियो । त्यस्तै संसद्का कर्मचारी, पत्रकार, सुरक्षाकर्मी, मर्यादापालक समेत गरी ४८१ जनाको पनि पीसीआर परीक्षण गरिएको थियो ।
जम्मा ६०९ जनाको परीक्षण गरिएकोमा ६ जनामा कोरोना संक्रमण भएको भेटिएको हो ।
प्रतिक्रिया राख्नुहोस्