राष्ट्रिय प्रजातन्त्र पार्टी (राप्रपा)ले पूर्वराष्ट्रिय सुरक्षा सल्लाहकार शंकरदास वैरागीको नेतृत्वमा सोमबार गठन भएको भिजिट भिसा उच्चस्तरीय छानबिन समितिले प्रभावकारी काम गर्न नसक्ने बताएको छ ।
राप्रपाले उच्चस्तरीय छानबिन समितिले प्रभावकारी काम गर्न नसक्ने भन्दै संसद् बहिष्कारलाई निरन्तरता दिने भएको छ । राप्रपा संसदीय दलको बैठकले संसद् बहिष्कार जारी राख्ने निर्णय गरेको सचेतक विना लामाले जानकारी दिनुभयो ।
भिजिट भिसा प्रकरणको छानबिन गर्नेबारे सत्तारुढ दल र प्रमुख प्रतिपक्षबीच जेठ ३० मा दुई बुँदे सहमति भएको थियो । उक्त प्रकरणको छानबिनका लागि उच्चस्तरीय छानबिन समिति वा न्यायिक आयोग माग गर्दै रास्वपा र राप्रपाले संसद्मा अवरोध गर्दै आएका छन् ।
प्रतिक्रिया राख्नुहोस्