प्रधानमन्त्री सुशीला कार्कीले आइतबार तीन मन्त्री नियुक्त गर्नुभएपछि आफूहरुसंग सल्लाह नगरेको भन्दै सुदन गुरुङको समूहले प्रधानमन्त्री निवास बालुवाटार अगाडि बिरोध प्रदर्शन गरेको छ ।
सुदन गुरुङ नेतृत्वको हामी नेपाल समूहका युवाहरुको उपस्थितिमा ‘प्रधानमन्त्री राजीनामा दे’, ‘मुर्दामाथि राजनीति नगर’ लगायतका नारा लगाइएको थियो ।
जेनजी आन्दोलनको क्रममा मृत्यु भएकाका परिवारका सदस्यको समेत उपस्थिति रहेको प्रदर्शनमा प्रधानमन्त्री सुशीला कार्कीको राजीनामा समेत मागिएको थियो ।
प्रधानमन्त्री कार्कीले काठमाडौं महानगरपालिकाका मेयर बालेन शाहका कानुनी सल्लाहकार ओम प्रकाश अर्याललाई गृह मन्त्री, पूर्वअर्थसचिव रामेश्वर खनाललाई अर्थ मन्त्री र विद्युत प्राधिकरणका पूर्व कार्यकारी प्रमुख कुलमान घिसिङलाई ऊर्जा मन्त्रीमा नियुक्त गर्नुभएको थियो ।
सुदनको समूह आफूहरुसँग सल्लाह नगरी मन्त्री नियुक्त गरिएको भन्दै असन्तुष्ट छ । सुदन गुरुङले ओमप्रकाश अर्यालको नाम लिएर आक्रोश पोखेका थिए ।
गुरूङले आक्रोशित मुद्रामा भने, “हामी फेरि सडकमा आयौं भने कसैले रोक्न सक्दैन। जुन ठाउँमा हामीले राखेका छौं। त्यहीँबाट थुतेर निकाल्छौं . ओमप्रकाश अर्याल, लयर.. उनले आफै गृहमन्त्री बनाउँदा रहेछन्, भित्र बसेर !”
प्रतिक्रिया राख्नुहोस्