बिहिबार बसेको संवैधानिक परिषदको बैठकले प्रधान न्यायाधीशमा सर्वोच्चका न्यायाधीश डा. मनोज शर्मालाई गरेको सिफारिश खारेजीको माग गर्दै सर्वोच्च अदालतमा रिट परेको छ।
शुक्रबार वरिष्ठ अधिवक्ता दिनेश त्रिपाठी र अधिवक्ता प्रेमराज सिलवालले प्रधान न्यायाधीशमा एक नम्बरमा रहेकी कार्यवाहक प्रधान न्यायाधीश सपना प्रधान मल्ललाई सिफारिस गर्न माग गर्दै सर्वोच्च अदालतमा रिट निवेदन दायर गरिएको हो ।
रिटमा चौथो नम्बरको न्यायाधीश डा. मनोजकुमार शर्मालाई सिफारिस गरिनु संविधानको शक्तिपृथकीकरणको सिद्धान्त विपरीत भएको र यसले स्वतन्त्र न्यायपालिका ध्वस्त हुने दाबी सहित निर्णय खारेज माग गरिएको छ ।
संवैधानिक परिषद्ले बिहीबार कायममुकायम प्रधान न्यायाधीश सपना प्रधान मल्ल, कुमार रेग्मी र हरिप्रसाद फुयाललाई छाडेर चौथो वरियतामा रहनुभएका शर्मालाई प्रधानन्यायाधीश सिफारिस गरेको थियो ।
न्याय परिषदको निर्णयमा राष्ट्रिय सभा अध्यक्ष नारायणप्रसाद दाहाल र प्रतिपक्षी दल नेपाली कांग्रेसका संसदीय दल नेता भिष्मराज आङ्देम्बेले लिखित असहमति जनाउनुभएको थियो । उक्त निर्णयमा विपक्षी दलहरू नेपाली कांग्रेस र नेकपा एमालेले पनि विरोध जनाएका छन्।
प्रतिक्रिया राख्नुहोस्